АНУ-ын Техас мужийн иргэн 19 настай Кендалл Жонс ирвэс, арслан, Африкийн цагаан хирс зэрэг нэн ховор амьтдыг агнажээ. Кендалл таван настай байхаасаа эхлэн аавтайгаа хамтарч зэрлэг амьтан агнаж сурчээ. Амьтны эрхийг хамгаалагчид Фэйсбүүк хуудаснаа нийтэлсэн түүний зургуудыг хараад хүчтэй шүүмжлэл өрнүүлж байна. Гэсэн ч тэрээр “Би үйлдлээ таслан зогсоохгүй. Учир нь би амьтадтай харилцах чадвараа хөгжүүлж байгаа. Ерөнхийлөгч агсан Теодор Рузвельт ч бас ан авладаг байсан шүү дээ” хэмээн ярьжээ. Харин интернэт хэрэглэгчид түүнийг “Тийм их ан хийх дуртай юм бол цэрэгт очиж бууд” хэмээн шүүмжилж байна.