Украины засгийн газрын цэргүүд энэ сарын 5-ны өдөр зүүн нутгийн салан тусгаарлагч хүчний гол түшиц газрыг эзэлж авлаа.

“Өнгөрсөн шөнийн тулаанд Славянск хотыг гартаа орууллаа” гэж Ерөнхийлөгч П.Порошенко мэдэгдсэн байна. Түүнчлэн тэрээр хотын гол байгууламжуудад Украины тугийг мандуулахыг үүрэг болгожээ. Салан тусгаарлах хүчнийхэн засгийн газрын цэргийн цохилтоос ухран Славянск хотыг орхин гарсан гэж тус улсын Дотоод хэргийн сайд Арсен Аваков мөн мэдэгдсэн байна. Харин Салан тусгаарлах хүчнийхэн хотыг орхин гарсан нь үнэн боловч хотод гал зогсоогүй, бид ойролцоох тосгонд хүчээ сэлбэсний дараа хот руу эргэж дайрна гэж мэдэгдээд байгаа юм.