Хятадын эрх баригчид Парасель арлын ойролцоо газрын тосны цооног гаргахаар явуулж байсан өрөмдлөгөө зогсоож, Вьетнамтай үүсгэсэн газар нутгийн маргаанаа энхийн замаар шийдвэрлэх алхам хийлээ. Хятадын Үндэсний газрын тосны корпораци (CNPC) одоо зөвхөн цуглуулсан мэдээллээ ашиглан судалгаа явуулна гэдгээ мэдэгджээ. Вьетнамын эргийн хамгаалтын албаны мэдээлсэнээр Хятадууд өөрсдийн Хайнан арал дээр өрөмдлөгө явуулахаар болсон гэнэ. Хайгуулын ажлаас болж Хятад, Вьетнамын хооронд газар нутгийн маргаан дэгдсэн юм. Хоёр орны хөлөг онгоцууд хоорондоо мөргөлдөж, Вьетнамын жагсагчид гадаадын өмчит үйлдвэрүүдийг шатаасан билээ.