Малайзын MH17 онгоцонд суусан Голландын иргэн Кор Паны Фэйсбүүк хуудаснаа үлдээсэн сүүлчийн пост шуугиан дэгдээж байна. Кор Пан найз бүсгүй Нэлтжи Толын хамтаар Малайз руу аялахаар явахдаа онгоц сүйрэхийг таамагласан бололтой. Тэрээр Боинг 777-200 онгоцны зургийг авч Фэйсбүүк хуудаснаа нийтлэхдээ “Хэрэв онгоц ор сураггүй алга болвол, ийм онгоц байсан гэдгийг сануулъя” гэж бичжээ. Түүний постод хариулт бичсэн найзууд нь сайхан амраад, олон зурагтай ирээрэй гэсэн байна. Харамсалтай нь Фэйсбүүк хуудаснаа зураг нийтэлсэнээс хойш хэдхэн цагийн дараа онгоц сүйрчээ. 295 зорчигчтой онгоцноос нэг ч хүн амьд үлдээгүй гэж албаныхан мэдээлсэн билээ.