Герман Стерлигов үеийнхээ залуусыг бизнесийн гараагаа дөнгөж эхэлж байхад аль хэдийнэ тэрбумтан болжээ. Тэрээр дөнгөж 24 насандаа хувийн компани байгуулж, Оросын баячуудын эгнээнд орсон юм. Герман Стерлигов Лондон, Нью-Йорк хотноо санхүүгийн бизнес эрхэлж амжилт гаргаж байлаа. Гэвч тэр нэг л өдөр 15 жилийн хөдөлмөрөө үрэн таран хийж, ой модонд амьдран газар тариалан эрхлэхээр шийдвэрлэжээ.
    Герман санхүүгийн хямралыг Оросын бусад олигархиудаас илүү тэсч гарсан гэдэг. Тэрээр яагаад ийм шийдвэр гаргах болсон тухайгаа “Би хэн нэгнээс хамааралгүй, чөлөөтэй амьдрахыг хүсч байна. Найзууд маань намайг ч ямар мэдрэмжгүй хүн гэж шүүмжилдэг ч би зүгээр чөлөөтэй байх эрхээ эдлэж байна” хэмээн тайлбарлажээ. Түүний эхнэр Алёна үнэт эдлэлийн худалдаа эрхэлдэг байсан бол одоо нөхөр, дөрвөн хүүхэдтэйгээ хамт уулын модон дунд хоргодон амьдарч байна. Герман ийм шийдвэр гаргасандаа хэзээ ч харамсдаггүй. “Саятан биш болсон он жилүүдэд би эрх дураараа амьдрах болсон. Хөдөө нутагт эхнэр хүүхэдтэйгээ хонь хариулах сайхан” хэмээн тэрээр ярьжээ.