Барууны орнуудын удирдагчид Малайзын МН17 онгоцны осолтой холбоотойгоор Оросын талд сануулга өглөө. Энэ хооронд Украины босогчид, Засгийн газрын цэргүүд бие биеийнийгээ буруутгасаар байна. Их Британийн ерөнхий сайд Дэвид Камерон, Австралийн Тони Эббот нар босогчдыг өөгшүүлэхгүй байхыг НҮБ-ын Аюулгүйн зөвлөлийн хуралдаан дээр Оросын удирдагчдаас шаардав. Британийн Гадаад хэргийн яамны төрийн нарийн бичгийн дарга Филип Хаммонд “Дэлхий нийт Оросын зүг анхаарлаа хандуулах болно” хэмээн сануулжээ. Харин АНУ-ын ерөнхийлөгч Барак Обама онгоцыг босогчид тийрэлтэт зэвсгээр буудсан гэж үзэж буйгаа нуусангүй. Тэрээр “Босогчид ийм чадалтай зэвсгийг Москвагийн дэмжлэггүйгээр зөөж авчрах боломжгүй” хэмээн ярьжээ. Харин Оросын удирдагчид Украины босогчидтой огт холбоогүй хэмээн үгүйсгэсээр байна.