Израйлийн Газын зурвас дахь довтолгооны уршгаар амиа алдсан хүүхдүүдийн тоо өсч, хэдэн арван байшин барилга сүйдсэн билээ. НҮБ-ын Хүний эрхийн дээд комиссар Нави Пиллэй Израйлийн эрх баригчдыг олон улсын хууль тогтоомжийг зөрчин дайны гэмт хэрэг үйлдсэн гэдэг шалтгаанаар шийтгэж магадгүй гэж ярьжээ. 16 дахь өдрөө үргэлжилж буй довтолгоонд 643 Палестин иргэн амиа алдсаны дийлэнх нь хүүхдүүд байна. Израйлийн арми иргэдийн оршин суудаг газруудыг түйвээж байгаа нь буруутан болох гол шалтгаан гэнэ. Даваа гаригт Газын зурвасын эмнэлэг дайралтанд өртөж, дөрвөн хүн нас баран 50 гаруй хүн шархадсан юм. НҮБ Газ дахь Палестин иргэдийг хоргодох байранд ороход тусалж байгаа ажээ.