Нидерландын Хильверсум хотын захирагч Питер Броертес өчигдөр “Radio 1”-т өгсөн шууд ярилцлагадаа Владимир Путины охиныг Нидерландаас хөөн гаргахыг шаарджээ. Гэхдээ дараа нь тэрээр Твиттер хуудсандаа “Би ухаалаг бус үйлдэл хийжээ” хэмээн уучлалт гуйсан байна. Түүнчлэн Нидерланд дахь Украинчууд 29 настай Мария Путины байшингийн ойролцоо тайван жагсаал хийжээ.
Мария Путин Нидерландын Ворсхотен хотод найз залуу Йоррит Фаасентой амьдардаг бөгөөд өнгөрсөн жил Путин охиноо хэд хэдэн удаа эргэж байсан гэнэ.Путин Мария, Екатерина хэмээх хоёр охинтой бөгөөд тэдний талаарх мэдээлэл тун ховор байдаг юм.