Тайландын нийслэл Бангкок хотыг аялаж, зугаалахад таатай газар гэж нэрлэдэг байсан бол улс төрийн зөрчил тэмцлээс болоод энэ удаа Японы Кёото хотод зайгаа тавьжээ. CNN агентлагийн нэрлэснээр Японы Хоншу арал дээр байрлах Кёото хот нь эртний сүмүүдээрээ алдартай бөгөөд хавар цагт интоорын мод цэцэглэж тун үзэсгэлэнтэй харагддаг. Мөн аялал жуулчлал өндөр хөгжсөн Ром, Флоренц хотуудыг энэ жагсаалтад зүй ёсоор багтаасан байна. Түүнчлэн байгалийн үзэсгэлэнт рашаантай гэдэг утгаараа Камбожийн Сием-Рип болон Мехико хотуудыг онцолжээ.