Израилийн цэргүүд Палестин хүүхдүүдтэй зүй бусаар харьцаж байгаа явдлыг НҮБ шүүмжиллээ. ЮНИСЕФ-ээс гаргасан тайланд дурдсанаар Израилийн цэргүүдэд баригдсан Палестин хүүхдүүд эрүү шүүлт эдэлж байгаа ажээ. Израилийн цэргийн бууны сум Мохамед хүүгийн элгийг хавж оржээ. Энэхүү эмнэлэгт байгаа Палестины өөр нэг хүү Израилийн цэрэгт хөлөндөө буудуулсан байна. Мохамед хүүгийн эцэг эх хоёр хүүгийнхээ орны дэргэд зогсоод яахаа мэдэхгүй бухимдаж байлаа. Мохамед хүү саяхан Баруун Эргийн Бетлехем хотод болсон эсэргүүцлийн жагсаалын үеэр Израилийн цэргийн суманд өртсөн ажээ. Одоо Израилийн шоронд 18 нас хүрээгүй 219 хүүхэд хоригдож байгаа гэнэ. Израилийн шоронд хоригдож байгаа Палестин хоригдлууд өлсгөлөн зарлан тэмцэж эхэлсэн цагаас хойш Баруун Эргийн нутагт Палестинчуудын эсэргүүцэл тэмцэл ихээр гарах болсон явдал бууны суманд өртөх хүүхдүүдийн тоог улам нэмэгдүүлэх нэг хүчин зүйл болжээ.