Энэтхэгт борооны улирал үргэлжилж буй энэ үед эмнэлгийн тусламж авч чадахгүй болсон нэгэн эмэгтэй хүүхдээ эсэн мэнд төрүүлэхийн тулд гол давж, зэргэлдээх тосгондоо хүрчээ. Карнатака мужийн тосгоны оршин суугч, есөн сартай жирэмсэн Иеллавяа бүсгүй гэртээ ганцаараа төрөхөөс айсандаа ус туулсаар эмнэлэг бараадсан байна. Голын ус давалгаа ихтэй байсан ч гэсэн салаар амжилттай туулсан гэнэ. 22 настай энэ бүсгүй Бангалор хотоос 400 километрийн зайтай орших тосгоны оршин суугч юм. 3-4 метр өндөртэй усыг салаар туулж, эмнэлэгт хүрч очсон тэрээр хүүхдээ эсэн мэнд төрүүлжээ.