Удаа дараа халдлага гарч буй Хятадын Шинжианы автономит мужид Исламын шашинтнуудыг ялгаварлан гадуурхах бодлого явуулж эхэллээ. Турк хэлээр ярьдаг Уйгуруудыг толгойны алчуур, гивлүүр зүүж, сахал тавихыг нь хоригложээ. Хэрэв энэ заалтыг зөрчвөл автобусанд суулгахгүй бөгөөд цагдаад шууд мэдэгдэх юм. Мөн өнгөрсөн долдугаар сараас эхлэн террорист халдлага гарахаас сэргийлж автобусанд суухдаа асаагуур, тараг, ус зэргийг авч явахыг хориглосон ажээ. Уйгурууд энэхүү бодлогыг хүний эрхийг зөрчсөн явдал хэмээн шүүмжилдэг. Харин Шинжианд сүүлийн 18 сарын дотор хэдэн зуун хүн амиа алджээ.