Сири, Иракт нөлөөллөө тогтоож буй исламын шашны хэт даврагчид Их Британиас том газар нутгийг эзэлж, зургаан сая хүнийг хяналтандаа байлгаж байгааг “Daily Mail” онцолжээ. Энэ долоо хоногийн даваа гаригт тэд нийслэл Багдад хотоос 115 километрийн зайтай орших Жалавла хотыг бүсэлсэн ажээ. Мөн хэт даврагчдад алагдахаас айсан 20 мянган хүн ууланд бүгж байна.
ISIS хэмээх суннит урсгалын бүлэглэл нь 10 мянган цэрэг дайчидтай болно. Тэд Фэйсбүүк, Твиттер зэрэг мэдээллийн хэрэгсэл ашиглан харгис гэмт хэргээ тайлагнаж байна. Нийт 500 гаруй Язидис үндэстнийг амьдаар нь шатаасан гэж хүний эрхийг хамгаалагчид мэдээлэв. Хэт даврагчид Иракийн суннит шашинтнуудын дэмжлэгийг хүлээж, газрын тосны ордуудыг хяналтандаа аваад байгаа бөгөөд 2 тэрбум долларын хөрөнгөтэй болжээ. Тиймээс зэр зэвсгээр ойрын хугацаанд тасрахгүй гэж ажиглагчид үзэж байна.