Нүүрээ хамгийн олон удаа цоолсон хүн гэдэг үзүүлэлтээр Геннисийн амжилт эвдсэн Рольф Буххольцыг Дубай хот руу нэвтрүүлэхээс татгалзсан учир нисэх онгоцны буудлаас буцжээ. Ингээд тэрээр Истанбул руу ниссэн байна. Өдгөө 53 настай, Германы иргэн Рольф нь 453 удаа нүүрээ цоолж, төмөр зүүдэг ба духан дээрээ хоёр эвэр гаргажээ. Түүнийг ямар учраас Дубайд нэвтрүүлээгүй талаар албан ёсны тайлбар өгөөгүй ч цагаачлалын шаардлага хангаагүй гэж төлөөлөгч мэдээлэв. Арабын нэгдсэн Эмират улс нь хаант засаглалтай, уламжлалыг шүтдэг учраас ийм шийдвэр гаргасан байж болзошгүй гэж хэвлэлд онцолсон байна.