Хятадын нэрт жүжигчин Жэки Чаны хүү Жэйси Чаныг хууль бусаар хар тамхи эзэмшиж байсан хэргээр баривчилжээ.

Түүний Бээжин дахь гэрээс 99.2 грамм хар тамхи олдсон бөгөөд Жэйси Чан болон түүний найз Тайванийн кино од Кай Ко нарыг баривчилсан гэж “dailymail.co.uk” сайтад мэдээлсэн байна. Шинжилгээгээр ч мөн хар тамхи хэрэглэсэн болох нь тогтоогджээ.

Эдүгээ 32 настай Жэйси Чан нь Холливуудын алдарт жүжигчин Жэки Чан, Тайванийн алдарт жүжигчин Лин Фенжао нарын ганц хүү бөгөөд Америкт төрж өссөн, амьдралын хэв маяг нь нэлээд баруунжсан хэмээн хэвлэлүүд бичжээ.