Өнгөрсөн гуравдугаар сарын 8-нд ор сураггүй алга болсон Боинг онгоцтой холбоотой баримтуудаа хакеруудад алдсан гэж Малайзын эрх баригчид мэдээлэв. Хакерууд Малайзын иргэний нисэхийн газрын 30 компьютерт амжилттай халдварласан гэж “Star” сонинд нийтэлжээ. Онгоцонд сууж явсан 239 зорчигчийн 153 нь Хятадын иргэд байсан юм. Хятадууд онгоцтой холбоотой чухал мэдээллийг олноос нууцалж байна хэмээн Малайзын эрх баригчдыг буруутгадаг. Тиймээс дээрх халдлагыг Хятадын хакерууд үйлдсэн байж болзошгүй гэж эрх баригчид таамаглаж байна. МН370 онгоцыг Засгийн газрын хорон санаатнууд эсвэл мэргэжлийн гэмт бүлэглэлүүд барьцаалсан гэж таамаглаж байсан ч батлагдаагүй юм.