Ерөнхийлөгч Си Зиньпин Монгол-Хятадын эдийн засаг, худалдааны хамтын ажиллагааг өргөжүүлж, шинэ шатанд гаргах зорилгоор Монголд айлчилж байна гэж Синьхуа агентлаг мэдээлэв.

    Монголын худалдааны хамгийн том түнш нь Хятад улс юм. 2013 оны байдлаар Хятадын Монгол дахь худалдааны хэмжээ 6 тэрбум долларт хүрсэн нь 2002 оноос бараг 20 дахин өссөн үзүүлэлт юм.

 2013 оны зургадугаар сарын байдлаар Монголд Хятадын 6,169 бизнес эрхлэгч албан ёсны бүртгэлтэй үйл ажиллагаа явуулж байна. Энэ нь Монгол дахь гадаадын нийт бизнес эрхлэгчдийн 48,8 хувийг бүрдүүлж байгаа гэсэн үг. Харин Хятадын хөрөнгө оруулалт 2013 оны сүүлийн байдлаар 2,56 тэрбум ам.долларт хүрчээ.

    Хоёр орны санхүүгийн харилцаа улам өргөжин тэлж байна. “The Bank of China” Монголд төлөөлөгчийн газраа нээснээс хойш Туушин компанид 25 сая ам.долларын анхны зээлээ олголоо. Хятадын бизнес эрхлэгчид Монголын дэд бүтэц, барилга, эрчим хүч, эрдэс баялгийн хөгжлийн салбарыг дэмжин ажиллаж байна гэжээ.