Хятадын Су-27 байлдааны онгоц Хайнан арлын олон улсын агаарын зам дээгүүр нисч явсан АНУ-ын эргүүл хамгаалалтын П-8 онгоцонд саад хийсэн гэж Пентагон мэдээлэв. Төлөөлөгч Жон Кирби Хятадын цэргийн онгоцны нисэгч дэндүү аюултай, мэргэжлийн бус үйлдэл гаргасан гэжээ. Түүний хэлснээр Хятадын онгоц Америкийн хөлөгтэй 10 метрийн зайтай ойртож ирсэн юм. Онгоцууд мөргөлдсөн бол маш ноцтой аюул учрах байлаа. Хятадууд өнгөрсөн гуравдугаар сараас хойш дөрвөн удаа ийм үйлдэл гаргаж байгаа ч албан ёсоор тайлбар хийгээгүй юм. Тэд ийм түрэмгий үйлдлээрээ цэргийн ажиллагаанд саад хийж байна гэж Кирби анхааруулав.
Сэтгэгдэл (20)