Германы канцлер Ангела Меркель Украинд хэлэлцээр хийхээр хүрэлцэн ирлээ. Оросын эрх баригчид хямралын бүс рүү тусламжийн цувааг зөвшөөрөлгүй илгээсний дараа тэрээр Украинд ирээд байгаа нь энэ юм. Өчигдөр буюу баасан гаригт Украины засгийн газрын зөвшөөрөлгүйгээр Оросын 100 гаруй ачааны машин зүүн бүс нутаг руу нэвтэрчээ.

     Эдгээр машинуудын зарим нь Оросын хил рүү буцсан гэсэн мэдээлэл байна. Киев, Европын холбооны удирдагчид Оросын энэ үйлдлийг Украины дотоод асуудалд хөндлөнгөөс оролцсон явдал гэж буруушаав. Гэхдээ эдгээр машинууд зөвхөн хоол, ус, генератор тээвэрлэж явсан гэж Оросын тал мэдэгдэж байна. Тусламжийн цувааны түрүү Оросын салан тусгаарлагчдад бүслэгдсэн Луханскт хүрч очжээ. Украинд дөрвөн сар үргэлжилсэн тушааны уршгаар 2000 хүн алагдаж, 330 мянган хүн орон гэрээсээ дүрвэсэн байна.