2011 оноос хойш цөмийн гамшиг нүүрлэж, шаналж буй Японы Фукушимад ургуулсан цагаан будаа Сингапурын супермаркетуудад зарагдах болжээ. Дэлхий дээр хүнсний аюулгүй байдалд анхаарч, хатуу стандарт мөрддөг гэдгээрээ алдартай Сингапурчууд Японы фермерүүд сайн чанарын будаа импортолсон гэдэгт эргэлзэхгүй байна. Дэлгүүрээр үйлчлүүлж буй хүмүүс цагаан будааны амт, чанар сайн хэмээн ярьжээ. Сингапурын нэгэн жижиг супермаркетаас 24 цагийн дотор 60 гаруй хүн будаа авсан гэнэ. Уут будааг 5-15 доллар буюу харьцангуй хямад үнээр худалдаалж байна. Япончууд Сингапурын будааны зах зээлийн дөнгөж нэг хувийг эзэлдэг байхад яагаад заавал Фукушимад үйлдвэрлэснийг нь сонгох болсон нь сонирхол татаж байгаа ажээ.