Украины бүс нутгуудад Засгийн газрын цэргүүд болон босогчдын хоорондох тулаан үргэлжилж байх хооронд ерөнхийлөгч Петро Порошенко парламентыг тарааж, гэнэтийн сонгууль зарлажээ. Сонгуулийг ирэх аравдугаар сарын 26-нд зохион явуулахаар болсон байна. Ерөнхийлөгчийн хэлсэнээр Украины одоогийн парламентын гишүүдийн дийлэнх нь Виктор Януковичийн ар тал бологсод байгаа ажээ. Тиймээс парламентыг шинээр үүсгэн байгуулах нь зүйтэй гэж үзжээ.
    Оргон зугтсан ерөнхийлөгч Виктор Януковичийн талынхныг сонгууль явуулж байж “цэвэрлэх” гэнэ. Гэхдээ ажиглагчдын үзэж буйгаар аравдугаар сарын сонгуулиас өмнө зүүн бус нутагт өрнөж буй тулааныг зогсоож чадахгүй бол улам ширүүн эсэргүүцэлтэй тулгарах эрсдэлтэй ажээ.

 Украины одоогийн Засгийн газар шинэчлэлийг хэрэгжүүлж, авилгалыг зогсоох чадалгүй байгаа учраас олон нийтийн уур бухимдал нэмэгдэж байгаа гэж BBC мэдээлэв.
Энэ хооронд зүүн өмнөд хэсгийн Мариуполь боомтоор дамжин Оросын 10 танкын цуваа, хоёр зэвсэгт бие бүрэлдэхүүн Украин руу нэвтэрсэн гэж арми сануулжээ. Украины цэргүүд хоёр танкыг устгаж, бүслэлт явуулж байна.