Украины 62 цэрэг Оросын хил давжээ. Тэд Киевийн армийн эсрэг сөрөг довтолгооноос дайжиж, амиа аврахын тулд хоргодох байр хайж байгаа нь энэ юм. Өнгөрсөн долдугаар сард эмнэлгийн тусламж хайж, орогнол хүссэн Украины 500 цэрэг Орос руу нэвтэрсэн билээ.
Энэ долоо хоногийн эхээр Украины газар нутагт нэвтэрсэн Оросын цэргүүдийг баривчилсан. Оросын Батлан хамгаалах яам тэднийг санаандгүйгээр хил нэвтэрсэн гэж үзсэн юм. Харин Киевийн тал террорист бүлэглэлүүдтэй холбоотой байж болзошгүй хэмээн сэжиглэж байна.