Киев хот дахь Украины Батлан хамгаалах яамны гадна олон зуун хүн жагсаж, зүүн өмнөд бүс нутагт өрнөж буй цэргийн ажиллагааг эсэргүүцлээ. Жагсагчид ерөнхийлөгч Петро Порошенког огцруулахыг шаардсан байна. Оросын хэвлэлд мэдээлсэнээр жагсагчдын дотор Донецк, Луханскт тулалдаж буй цэргүүдийн ээж, эхнэрүүд нь байсан бөгөөд тэд нийслэл хотын гол замуудыг хаажээ. Ийнхүү хэдэн цаг тэмцсэний эцэст жагсагчид ерөнхий ордны гадна очсон байна. Тэд Киевийн бүх иргэдийг жагсаалд нэгдэхийг уриалж, хотын дарга Виталий Кличкод шаардлага хүргүүлжээ.