НАТО-гийн уулзалтад оролцох орнуудын удирдагчид энэхүү арга хэмжээнээс өмнө Украйны ерөнхийлөгчтэй уулзахаар шийджээ. Украйны Ерөнхийлөгч Петро Порошенкогийн мэдээлэл АНУ болон Европийн холбооны орнуудын тэргүүнүүд ОХУ-ын Ерөнхийлөгч Владимир Путинтай ямар шийдвэрт хүрэхэд нөлөөлөх юм.

Хоёр өдөр үргэлжлэх Нато-гийн хурлаар Украйны хямралын асуудлыг шийдвэрлэх зорилго тавьж байгаа. Гэвч төрийн тэргүүнүүд “Исламын улс” цэргийн бүлэглэлийн асуудлыг нэмж хэлэлцэх саналтай байгаа юм.

Өчигдөр Ерөнхийлөгч Порошенко В.Путинтай утсаар холбогдож ярьсан бөгөөд эвлэрлийн тохиролцоо хийхийг дэмжсэн хэмээн мэдэгдсэн юм. Хоёр орны ерөнхийлөгч баасан гарагт уг асуудлыг элчээр дамжуулан хэлэлцэхээр болжээ. Гэвч Нато-гийн нарийн бичгийн дарга Андерс Фог Расмуссен эвлэрлийн тохиролцоо Путины хуурмаг байдлаас болж хийссэн хэмээн “BBC” телевизэд ярилцлага хийх үедээ мэдэгдээд байна. Өнөөдөр өглөө Владимир Путин долоон шаардлагыг биелүүлээд Украйнд энхийн хэлэлцээг бий болгох санал тавьсан билээ.