Гүржийн ерөнхийлөгч асан Михайл Саакашвилийг Грекийн Самос арал дээр саатуулсан ч суллан явуулсан гэж Гүржийн Ерөнхий прокурорын газраас мэдээлсэн.  Уг нь Гүржийн шүүхээс нэг сарын өмнө Саакашвилид баривчлах ял оноосон юм. Түүнийг 2007 онд сөрөг хүчний жагсаалыг хүч хэрэглэн тараасан, эрх мэдлээ хэтрүүлэн ашигласан, улсын өмчийн 5 сая долларыг хувьдаа завшсан хэмээн буруутгаж байгаа юм. Ерөнхийлөгч асны байгаа газар мэдэгдэхгүй байсан тул Гүржийн Засгийн газраас түүнийг Интерполын шугамаар эрэх сурвалжлахаар бэлтгэж байгаагаа өнгөрсөн сарын сүүлээр зарлажээ.