NBA-ийн шинэхэн гишүүн, 33 настай сагсчин Яао Минь Африкын заануудыг хамгаалахаар шаргуу тэмцэж эхэлсэн тухай “Washington post” мэдээллээ. Тэрээр зааны соёог их хэмжээгээр ашигладаг Хятадын зах зээлийн эрэлтийг багасгахыг хичээж байгаа аж.

Яао Миний амьтны төлөөх үйлийг байрууны хэвлэлүүд “Америк, Хятадын соёлын гүүр болсон аварга эр одоо үндэстнийхээ баячууд болон Африкын амьтдын дунд гүүр барихыг хичээж байна” хэмээн бичжээ.

2.29 метрийн өндөртэй Яао Минь өөрөөс нь том олон амьтад байгаа учраас Африкт ирлээ хэмээн хэвлэлд ярьжээ. Тэрээр “Хятад бол эдийн засгийн хувьд асар хурдацтай хөгжиж байгаа улс. Олон олон хүний эдийн засгийн байдал сайжирч байна. Гэвч бид хүсэл шаардлагаа тэнцвэржүүлэх хэрэгтэй. Хэрвээ тэнцвэрийг хадгалахгүй бол энэ гараг дээр ганцаараа амьдрахгүй нь тодорхой юм. Тиймээс зааны соёог хэрэглэгчид илүүц хүслээ эргэж харахыг хүсч байна” хэмээгээд Хятадын баячуудыг энэ тэмцэлд бууж өгөхийг уриалсан байна.

Хамгийн сүүлийн үеийн судалгаагаар өнгөрсөн гурван жилийн хугацаанд 100 мянга гаруй зааныг соёог нь ашиглахаар хөнөөсөн байна.
Яао Минь анх 2012 онд Африкт зочилсон бөгөөд заанууд болон хирсийн соёог авахын тулд зэрлэгээр хөнөөж буй баримтат киног бүтээлцэж Хятад, Америкийн телевизүүдээр цацаж байсан юм. Тэрээр 2006 онд “WildAid” буяны байгууллагатай холбогдсоноор амьтдын эрхийг хамгаалахаар шийджээ.