Хэдхэн хоногийн өмнө ОХУ-ын Ерөнхийлөгч Владимир Путин манай улсад айлчилснаар хоёр орон визгүй зорчих хэлэлцээрт гарын үсэг зурсан билээ. Чөлөөтэй зорчих болсон урд хөршийн нийслэлд аялбал хаана юу үзэж болох тухай зөвлөмжийг 24tsag.mn хүргэж байна.

ОХУ дэлхийд хамгийн том газар нутагтай орон бөгөөд 14 улстай хиллэдэг, Ази тивийн найман цагийн бүстэй давхацдаг улс юм. Нийслэл Москвад урт, хатуухан өвөл, богино зун үргэлжилдэг. Цас жилийн зургаан сард Оросын уужим нутгийг хучдаг тул барилга байгууламжийн сайхнаас гадна байгалийн сайхныг ч энд үзэж болно. Эдгээрт мод, тос, нүүрс, эрдэс баялаг, байгалийн хийн нөөц бүхий аж ахуйн томоохон бүс нутгуудыг ч сонирхож болно.

Аялалын мэргэжилтнүүд алтан оройтой хотод 4, 5-р сард аялбал хамгийн тохиромжтой гэж зөвлөдөг. Мөн зуны улиралд аялахыг санал болгодог. Тэгвэл нийслэл Москвад юу үзэж болох вэ?

Кремль, Лениний бунхан, Бохины их дэлгүүр, Гэгээн Басилын сүмээр хүрээлэгдсэн Улаан талбай Москва хотын зүрх хэмээн нэрлэгддэг. Хэрвээ та тус улсын түүхийг сонирхон судалдаг бол Улаан талбайг үзэхийг хүсэх нь гарцаагүй юм. Мөн энэ талбайд үндэсний арга хэмжээ зохион байгуулагдаж, цэргийн жагсаал болвол заавал үзэх хэрэгтэй. Таныг өөр цаг хугацаанд очсон мэт сэтгэгдэл төрүүлэх нь дамжиггүй. Улаан талбайд зураг авахуулж, бохины их дэлгүүрээр зочилж, Ленины бунханг үзэх боломжтой.

Эрт үеэс хэвээр нь хадгалж чадсан гайхаамшигт барилга бол Кремль билээ. Кремльд зэвсгийн агуулах, алмазын ордны үзэсгэлэн тавигддаг. Мөн өндөр модод,  олон өнгийн гайхамшигт цэцэгсийн хүрээлэн бий.

Покровски Собор хэмээн дуудагддаг Гэгээн Басилын сүм нь дэлхий дээрх хамгийн алдартай сүмүүдийн нэг юм.  Гадна засал чимэглэл гайхамшигтайгаас гадна фреск, цэцгэн хээ, Оросын сүсэг бишрэлийн тэмдэгүүд бүр их гайхширал төрүүлнэ. Сүмийн дотор байрлах Гэгээн Басилын мөргөлийн танимд түүний бунхан хадгалаастай байдаг. Шөнө энэ сүмийг харахад үлгэрт гардаг ордон мэт гайхамшигтай үзэгддэг билээ.

Хаант Оросын үед хэрэглэж байсан бүхий л төрлийн зэвсгүүд энэ үзэсгэлэнд тавигддаг. Мөн үндэсний хувцас өмсгөлийн ч үзүүлэн ч бий. Үүнээс гадна алтан сууда, эрдэнийн титэм, алт, мөнгө, үнэт эдлэлийн цуглуулгыг сонирхож болно. Зэвсгийн агуулахыг үзэхэд аудио хөтчийг орон орны хэлээр авах боломжтой нь давуу тал болно.

Лаврушинскийн нууранд байрлах Третьяковын галерейд зочилсноор Оросын хамгийн алдартай уран зураачдын бүтээлүүдийг үзэж болно. Галерейн бүх зургийг үзэхэд дунджаар 2-3 цаг зарцуулдаг байна. Мөн дэлхийн алдартанууд болох Пикассо, Рембрандт, Ван Гох, Матиссе нарын бүтээлүүдээс тавигджээ. Улаан талбайгаас 15 минут явах зайд оршдог галерейд зураг авахыг зөвшөөрдөг нь жуулчдад их таалагддаг аж.

Царицыногийн түүх, уран барилгын музейг зун үзвэл хамгийн тохиромжтой. Энд зуны улиралд гадаа талбайн олон тоглолт, арга хэмжээнүүд зохион байгуулагддаг бөгөөд бяцхан аялал хийж үр хүүхдүүдтэйгээ очиход хамгийн чухал газар юм.

Коломенское түүх, уран барилгын музей нь Оросын дархан цаазат газарт тооцогддог. Учир нь эндхийн гайхамшигт цэцэрлэг, барилгууд нь Юнескогийн дэлхийн өвд бүртгэгдсэн байдаг юм. Мөн Эзэн хаант Алексей Михайловичийн модон ордонд зочилж болно.

Энд олон тооны палеонтлогийн үзэсгэлэнг үзэж болно. Гол нь үзэсгэлэнд хүрч үзэхийг зөвшөөрсөн байдаг. Жуулчид ихэвчлэн үлэг гүрвэлийн яс үзэх гэж ирдэг боловч музей уран барилга, түүхийг ч мөн агуулсан байдаг.

Москвад очсон хэн бүхэн хамгийн түрүүд очих ёстой газруудын нэг бол Бор шувуудын толгод юм.  Энд очсоноор хотын хамгийн өндөр цэгээс Москвагийн дүр зургийг ажиглаж, байгалийн сайхныг мэдрэх болно. Мөн Оросын алдарт Ломоносовын их сургууль эндээс харагддаг бөгөөд Москва голын эргээр дугуйтай зугаалахад тохиромжтой. Хосуудын хувьд хамгийн романтик газруудын нэг бөгөөд дугуйчид ч олноор цуглардаг аж. 

Энэ алдартай газар Москва голын хөвөөнд байрладаг. Цэнгэлдэх хүрээлэн танд олон тооны гайхамшигт усан оргилуур, цөөрөмд буй нугас, хунг үзэх боломж олгоно. Зуны улиралд 24 цагийн турш нээлттэй бөгөөд олон тоглолт, арга хэмжээ зохион байгуулагддаг. Харин өвлийн улиралд дэлхийн хамгийн том мөсөн талбай болж хувирдаг бөгөөд тэшүүрээр гулгахыг зөвлөдөг.