Украйны нөхцөл байдалтай холбоотойгоор АНУ, Европын холбооноос Оросын эсрэг авч хэрэгжүүлж байгаа хориг арга хэмжээ улам чангарах төлөвтэй байна. Украйнд гал зогсоох гэрээ байгуулснаас хойш хоёр ч удаа буун дуу гарч босогчид болон Украйны арми хохирол амссан нь байдлыг улам хурцатгах боллоо. Украйны Ерөнхий сайдын үүрэг гүйцэтгэгч Арсений Яценок зэвсэгт мөргөлдөөн дахин гарвал онц байдал зарлахаас өөр аргагүй гээд Украйны Засгийн газар ямар ч нөхцөлд гал зогсоох тохиролцоог хэрэгжүүлсээр байх болно гэдгийг онцолжээ. Харин энэ үеэр Европын холбоо гал зогсоох гэрээний бодит баталгаа шаардлагатай бөгөөд ОХУ-ын зүгээс босогчдыг дэмжсэн ажиллагаагаа зогсоохгүй бол дараагийн шатны хориг арга хэмжээ авахаа мэдэгдэв. Үүнд ОХУ-ын Төрийн өмчит батлан хамгаалах болон эрчим хүчний салбарын хэд хэдэн компаниудын Европын хөрөнгийн зах зээл дээрхи арилжааг 30 хоног зогсоох тухай тусгасан байна. Тухайлбал ОХУ-ын Төрийн өмчит “Gazprom”, “Gazpromneft”, “Transneft”, “Rosneft” компани болон “Sberbank”, “VTB Bank” тэргүүтэй таван банк нэмэлт хоригт багтжээ. Гал зогсоох хэлэлцээр бүрэн хүчин төгөлдөр бөгөөд талууд улс төрийн шийдэл олсон нөхцөлд хоригийг цуцалж болох юм гэж Францын Ерөнхийлөгч Франсуа Олланд мэдэгдсэн байна. Харин ОХУ-ын гадаад харилцааны сайд Сергей Лавров ийм хориг арга хэмжээ авагдвал Орос орон зүгээр суухгүй, хариу арга хэмжээ авна гэж мэдэгджээ.
Украйны нөхцөл байдалтай холбоотойгоор АНУ, Европын холбооноос Оросын эсрэг авч хэрэгжүүлж байгаа хориг арга хэмжээ улам чангарах төлөвтэй байна. Украйнд гал зогсоох гэрээ байгуулснаас хойш хоёр ч удаа буун дуу гарч босогчид болон Украйны арми хохирол амссан нь байдлыг улам хурцатгах боллоо. Украйны Ерөнхий сайдын үүрэг гүйцэтгэгч Арсений Яценок зэвсэгт мөргөлдөөн дахин гарвал онц байдал зарлахаас өөр аргагүй гээд Украйны Засгийн газар ямар ч нөхцөлд гал зогсоох тохиролцоог хэрэгжүүлсээр байх болно гэдгийг онцолжээ. Харин энэ үеэр Европын холбоо гал зогсоох гэрээний бодит баталгаа шаардлагатай бөгөөд ОХУ-ын зүгээс босогчдыг дэмжсэн ажиллагаагаа зогсоохгүй бол дараагийн шатны хориг арга хэмжээ авахаа мэдэгдэв. Үүнд ОХУ-ын Төрийн өмчит батлан хамгаалах болон эрчим хүчний салбарын хэд хэдэн компаниудын Европын хөрөнгийн зах зээл дээрхи арилжааг 30 хоног зогсоох тухай тусгасан байна. Тухайлбал ОХУ-ын Төрийн өмчит “Gazprom”, “Gazpromneft”, “Transneft”, “Rosneft” компани болон “Sberbank”, “VTB Bank” тэргүүтэй таван банк нэмэлт хоригт багтжээ. Гал зогсоох хэлэлцээр бүрэн хүчин төгөлдөр бөгөөд талууд улс төрийн шийдэл олсон нөхцөлд хоригийг цуцалж болох юм гэж Францын Ерөнхийлөгч Франсуа Олланд мэдэгдсэн байна. Харин ОХУ-ын гадаад харилцааны сайд Сергей Лавров ийм хориг арга хэмжээ авагдвал Орос орон зүгээр суухгүй, хариу арга хэмжээ авна гэж мэдэгджээ.
