АНУ-ын Ерөнхийлөгч Барак Обама Сири болон хойд Иракт нөлөөгөө тогтоогоод буй Исламын улс бүлэглэлтэй хэрхэн тэмцэх тухай шийдвэр гаргажээ. Тэрээр энэхүү төлөвлөгөөгөө лхагва гарагт олон нийтэд танилцуулах бөгөөд өөрийн үндэстнүүддээ Исламын улстай тэмцэх тоглоомд хэрхэн ялахаа тайлбарлана гэжээ. 

Барак Обама АНУ террорист бүлэглэлийг арчиж хаях хангалттай хүчин чадалтайгаа илэрхийлсэн байна. Тэрээр өчигдөр NBC телевизэд өгсөн ярилцлагадаа “Би хүмүүсийг заналхийлэл гэж юу болохыг, бид үүнтэй тэмцэх ямар хүчин чадалтайг, тэмцэхийн тулд юу хийж байгааг мэдээсэй гэж хүсч байна. Энэ бол Иракын дайнтай харьцуулах зүйл биш” хэмээн хэлжээ.
Ерөнхийлөгчийн мэдээлснээр АНУ террорист бүлэглэлтэй цэргийн, дипломат болон эдийн засгийн аргаар тэмцэх аж. Энэхүү төлөвлөгөө гурван үе шаттай бөгөөд Исламын бүлэглэлийн үйл ажиллагааг тагнан туршихыг нэмэгдүүлэх, америк иргэдийг хамгаалахын тулд агаарын дайралт хийх зэргээс эхэлнэ гэлээ.

Исламын улс террорист бүлэглэл нь Америкийн хоёр сэтгүүлчийг цаазаар авсан юм. Обамагийн мэдэгдэлтэй зэрэгцэн Арабын Лигийн тэргүүн Исламын улстай цэрэг болон улс төрийн аргаар тэмцэхийг холбоотнууддаа уриалсан байна.

Д.Идэр