Японы Ерөнхий сайд Шинзо Абэ засгийн газартаа сэлгээ хийснээс ганцхан долоо хоногийн дараа түүний хоёр албан хаагч нацистуудын тэргүүлэгчидтэй зургаа даруулсан нь интернэтэд цацагдаж ихээхэн шуугиан тариад байна. Энэ нь тэднийг баруун жигүүрийн экстремитүүдээс улам холдууллаа хэмээн Японы хэвлэлд бичжээ. Мөн энэхүү зургууд нь Шинзо Абэгийн нэр хүндийг дэлсүүлж байгаа гэлээ.

Тус улсын нео нацистуудын тэргүүн Казунари Яамада нь Дотоод хэргийн сайд Санае Такайчи болон Либерал ардчилсан намын Томоми Инада нартай авахуулсан зургаа өөрийн веб сайтдаа байршуулсан байна.

Дотоод хэргийн сайд хатагтай Санае Такайчиг Шинзо Абэ кабинетынхаа жендерийн харьцааг тэнцвэржүүлэхээр таван эмэгтэй сайд шинээр томилохдоо сонгосон билээ. Харин Томомо Инадаг мөн л ерөнхий сайд Либерал ардчилсан намын өндөр албанд томилсон юм. Тэд Японы төрийн далбааны өмнө инээмсэглэн зургаа даруулсан нь нео нацистууд төрд оржээ гэж яриа гарах шалтгаан болжээ.

Хэдийгээр дээрх хоёр улс төрч нео нацист үзэлтэй гэх ямар ч баталгаа байхгүй бөгөөд тэд зөвхөн зураг даруулах саналыг л зөвшөөрсөн төдий хэмээн мэдэгдээд байгаа ч гэсэн Шинзо Абэгийн кабинетийн нэр хүнд унаж, санааг нь улам зовоож байгаа аж.