Йемений цагдаа нар нийслэл Санаад засгийн газрын эсрэг жагссан шиа хоуди шашинт долоон тэмцэгчийг гал нээж хөнөөсөн тухай жагсаал зохион байгуулагчид мэдэгдлээ. Цагдаа нар болон босогчдын мөргөлдөөнд 50 гаруй хүн гэмтэж бэртсэн байна. Мөн хотын захад ч үймээн самуун дэгджээ.

Хоуди тэмцэгчид бид зөвхөн жагсаал хийж байхад гал нээлээ хэмээн буруутгаж байгаа бол Йемений Гадаад хэргийн яам тэднийг засгийн газрын ордон руу дайрч орохыг оролдсон хэмээн мэдээлээд байна.

Тус улсын Ерөнхийлөгч Раббух Мансур Хадигаар удирдуулдаг Аюулгүй байдлын тэргүүлэх хороо долоон хүний амь үрэгдсэн жагсагчид ч бас хариуцлага хүлээх ёстой хэмээн мэдэгдлээ. Учир нь зөвхөн хамгаалагчид ч биш жагсагчид ч мөн гал нээсэн хэмээн тайлбарласан байна. 

Жагсагчид Санаа хотод олон хоног тэмцэж хийж байгаа бөгөөд шатахууны үнийг хэтэрхий нэмэгдүүлсэн засгийн газрыг огцрохыг шаардаж байгаа юм. Харин Засгийн газар тэд хагас бие даасан улс болж, улс төрийн эрхийг авах явцуу төлөвлөгөө өвөртөлж байгаа хэмээн буруутгажээ.

Байдал улам хурцдаж хойд хэсгийн Аль-Жавф аймагт сууршьсан хоуди жагсагчдын байрлуу засгийн газар агаарын дайралт хэд хэдэн удаа хийсэн байна. Үүний улмаас босогчдыг удирдагч амиа алдсан гэлээ.

Д.Идэр