Боко Харам бүлэглэлийн алан хядагчид мөргөлдөөний үеэр Нигерийн экс ерөнхийлөгч Олусегун Обасанжогийн ууган хүүг буудаж шархдуулжээ. Дэд хурандаа Адебойе Обасанжа өчигдөр Нигерийн цэргүүд зүүн хойд хэсэгт орших Адамава муж улсад Боко Харамын алан хядагчидтай байлдах үеэр шархадсан байна. Адебойе Обасанжаг цэргүүдийн хамт Мубигаас Мичика орох замд нь Боко Харамын дайчид дайрч гал нээж эхэлсэн аж. Түүний биеийн байдал одоогоор тогтвортой байгаа хэмээн хэвлэлийн төлөөлөгч нь мэдээллээ.

Адебойе Обасанжа нь сүүлийн таван жилийн турш Боко Харамын үүсгэж буй эмх замбараагүй байдалтай тэмцэж байгаа юм. Өнгөрсөн тавдугаар сард тэрээр тус бүлэглэлийн барьцаалсан 200 гаруй сургуулийн хүүхдийг суллах хэлэлцээ хийсэн юм.

Алан хядах Боко Харам бүлэглэл нь Нигерийн Йобе, Борно, Адамава муж улсуудын зарим хотыг эзлэн авч халдлага үйлдэж байна.
Дэд хурандаагийн эцэг Олусегун Обасанжа 1999 онд ерөнхийлөгчөөр сонгогдож 2007 он хүртэл эрх барьжээ. Өдгөө 77 настай тэрээр өмнө нь 1976-1979 онд Нигерийн цэргийн удирдагчаар ажиллаж байсан гэлээ.