Дэлхийг нарны хэт ягаан туяанаас хамгаалдаг озоны давхарга сэргэж эхэлсэн тухай НҮБ-ын судалгааны багийн эрдэмтэд мэдээллээ. Энэ нь 1980-аад оноос хойш хөргөгч болон шингэн шүрших зориулалтын саванд хэрэглэдэг химийн бодис тодорхой хэмжээнд багассантай холбоотой хэмээн тайлбарлажээ.

1987 онд озон задалдаг хийг хэрэглэхийг хориглосон нь энэхүү амжилтыг дуудаж, олон хүнийг арьсны хорт хавдраар өвчлөхөөс урьдчилан сэргийллээ хэмээн судлаачид тэмдэглэжээ. Озон задалдаг бодисын тухай Монреалийн протокол нь 1987 оны есдүгээр сарын 16-нд анх 24 орон гарын үсэг зурснаар хүчин төгөлдөр болж НҮБ-аас тухайн өдрийг Озоны давхаргыг хамгаалах олон улсын өдөр болгон тунхагласан байдаг.

Эрдэмтэд Антиарктидийн хэсэгт цоорсон озоны цоорхой жил бүр томрох нь зогссон бөгөөд 2025 он гэхэд нүх нь жижгэрч эхэлнэ гэсэн тамааглал дэвшүүлж байна. 2006 онд озоны цоорхой хамгийн том хэмжээ буюу 30 сая км.кв болсон бөгөөд одоо 20 сая км.кв болсон аж. Энэ нь озоны цоорхойгоор сар багтах боломжтой гэсэн үг юм байна.

Озоны давхарга сэргэснээр экологийн хямралыг саармагжуулахад нэн тустайг эрдэмтэд онцлож байна.