
Далайд олон зуун хүний цогцос хөвж байгаа бөгөөд эргийн хамгаалагчид амьд гарагсдыг хайж байгаа аж.
Сүүлийн жилүүдэд Ливиэс Европ руу завиар цагаачлагчдын тоо эрс өссөн юм. Тухайлбал, Италийн Засгийн газрын мэдээлснээр 2014 онд л гэхэд 100 мянга гаруй хүн завиар Италийн эрэгт хүрсэн байна.
Муаммар Гаддафи 2011 оны үймээнд засгийн эрхээс хасагдсанаас хойш улс төрийн эмх замбараагүй байдал үүсч, аюулгүй байдал суларсныг далимдуулан хүний наймааны худалдаачид Ливийг мөлжиж байгаагийн улмаас олон зуун хүн цагаачлахыг илүүд үздэг болжээ. Өнгөрсөн наймдугаар сард Ливид цагаачдын завь осолдож 100 гаруй хүн амиа алдсан билээ.
Д.Идэр