Мальтад 500 гаруй цагаач зорчиж явсан завийг өөр нэгэн завь мөргөснөөр олон зуун хүн амиа алдсан хэмээн тус улсын цагаачлалын албанаас мэдээллээ. Хамгийн ноцтой нь Олон улсын цагаачлалын байгууллагын мэдээлснээр завь цагаачдын завийг санаатайгаар мөргөсөн байна.

Энэхүү мэдээллийг Палестинийн амьд үлдсан хоёр цагаач баталж байгаа аж. Сири, Палестин, Египет, Суданы цагаачид Египетийн Дамиетта хотоос энэ сарын эхээр хөдөлсөн байна. Харин амьд үлдэгсдийг завь живснээс хойш нэг өдрийн дараа аварчээ.

Мөргөсөн завийг хар тамхины наймаачдын завь хэмээн үзэж байгаа бөгөөд хөлгийн тавцан дээр маргаан үүссэний дараа тэднийг шууд мөргөсөн хэмээн гэрчүүд мэдээлээд байна.

Цагаачдын завь осолдох явдал санаатай, санаандгүй олон тохиолддог байна. Олон улсын цагаачлалын байгууллагын мэдээлснээр энэ жил 2500 гаруй хүн Газар дундын тэнгист живжээ.

Д.Идэр