Нигерийн цагдаа, цэргийн албан хаагчид ард иргэдийг тамлан зовоож байгааг Эмнести интернэйшнл байгууллага шүүмжлэв. Тэд эрчүүдийг байцаахдаа зодох, буудах, хүч хэрэглэх, цахилгаанд цохиулах зэрэг харгис арга хэрэглэдэг байна. Харамсалтай нь шүүгдэгчид гадаад орчноос таслагддаг учир гэр бүлийнхэн болон өмгөөлөгчид хандах ямар ч боломж олддоггүй гэнэ. Мөн хүмүүсийг шилний хагархай дээр зогсоож, хөл, гарыг нь буудаж, шүдийг нь авч, эмэгтэйчүүдийг нь хүчиндэх зэрэг хууль бус үйлдэл гаргадаг ажээ.
1994 оноос хойш цэргийн дарангуйлалд байгаа Нигерь улсын шоронд хүний эрхийг зөрчих явдал цөөнгүй гардгийг шүүмжилж байна. Тус улсын иргэн Огочукву цагдаа нарт зодуулсанаас болоод өвчтэй болжээ. Эцэст нь тэр шүүхэд хандсан ч шоронд хоригдох ялыг нь хэвээр үлдээжээ. Тус улсын Засгийн газар хэрэгтнийг байцаан шийтгэх тогтолцоог шинэчлэх талаар бараг 10 жил ярьж байгаа ч дорвитой алхам хийсэнгүй.
