Дэлхийн 160 орны 2000 хотод уур амьсгалын өөрчлөлтийн эсрэг дорвитой алхам хийхийг шаардсан жагсаал болж байна. Ирэх долоо хоногт Нью-Йорк хотноо зохион байгуулагдах НҮБ-ын уур амьсгалын асуудлаарх дээд хэмжээний уулзалтад зориулан нүүрстөрөгчийн хийн ялгаруулалтын эсрэг компанит ажил өрнүүлж байгаа нь энэ юм. Манхэттэн дахь арга хэмжээнд 310 мянган хүн нэгдсэний дотор НҮБ-ын төрийн нарийн бичгийн дарга Бан Ги Мүн байгаа ажээ.
    Лондон хотноо болсон жагсаалд 40 мянган хүн оролцсон бол Австралийн Милбурн хотын жагсаалд ерөнхий сайд Тони Эббот тэргүүтэй 30 мянган хүн нэгджээ. НҮБ-ын уур амьсгалын асуудлаарх дээд хэмжээний уулзалтад 125 орны төрийн тэргүүн оролцоно. Энэ нь 2009 онд Данийн Копенгаген хотод болсон арга хэмжээнээс хойшхи томоохон цугларалт болох юм. Ноён Бан энэ уулзалтаар дэлхий нийт 2015 оны сүүл хүртэл хэрэгжүүлэх нэгдсэн шийдвэрт хүрнэ гэдэгт итгэлтэй байна.