Олон улсын шүүх Төв Африкийн эрх баригчдын эсрэг албан ёсоор дайны гэмт хэрэг үүсгэн шалгахаар болжээ. ICC (Олон улсын гэмт хэргийн шүүх)-ийн прокурор Фатоу Бенсоуда Төв Африкт 2012 оноос хойш хүчин, аллага, хүчээр нүүлгэн шилжүүлэх, мөрдлөгө хавчлага, тонуул дээрэм тасралтгүй гарч байгааг дурдсан байна. Хүн төрөлхтний эсрэг гэмт хэрэг үйлдсэн гэж буруутгах өөр нэг шалтгаан нь насанд хүрээгүй хүүхдийг хүчээр цэрэгт татсантай холбоотой гэнэ.

Исламын бүлэглэлүүд, Христийн цэргийн дэглэмийнхний аль аль нь хүчирхийлэл үйлдэж буйг хүний эрхийг хамгаалагчид шүүмжлэв. Төв Африкийн 4,6 сая хүн амын дөрөвний нэг нь орон гэрээсээ дүрвэжээ.
Өнгөрсөн гуравдугаар сард Христийн засаг захиргааны гол бүсийг Селекагийн Исламын шашинт босогчид эзэлснээс хойш зөрчил даамжирсан юм. Удирдагч Мичел Джотодиа огцорсон ч аллага, хүчирхийлэл зогсоогүй байна. Өнгөрсөн сард сөргөлдөгч талууд эрх мэдлээ хуваан авсан билээ.