АНУ-ын Калифорн мужийн Белл Гарденс хотын дарга Даниэл Креспог гэрт нь буудаж хороосон талаар хэвлэлүүд шуугьж байна. Лос Анжелес Таймс сонинд мэдээлснээр цагдаа нар энэ хэрэгт хотын даргын эхнэрийг сэжиглэн саатуулжээ. Түүнийг яаралтай эмнэлэгт хүргэх гэсэн боловч бууны шархаа даалгүй замдаа амьсгал хураасан байна. Креспо амиа алдах үедээ 19 настай хүү, эхнэртэйгээ хамт байсан бөгөөд гэрт нь маргаан гарсан гэж хөршүүд нь ярьжээ. Эхнэр нь Креспогийн цээжин биед олон удаа буудсан гэж Лос Анфелес хотын Шеррифийн шүүхийн төлөөлөгч Николь Нишида хүүгийнх нь ярианд үндэслэн мэдээлэв. Белл Гарденс нь Лос Анжелес хотын төвөөс 10 бээрийн зайтай байрладаг. Креспо нь 2001 оноос хойш тус хотын даргаар ажиллаж байжээ.
Сэтгэгдэл (1)