Курдын зэвсэгт хүчин Иракийн хойд хэсэгт хүчээ авсан “Исламын улс” бүлэглэлтэй тэмцэлдсэний үр дүнд Сирийн хил орчмын хот, хэд хэдэн тосгодыг буцаан авчээ.
Иракийн хойд хэсгийн Nineveh мужийн Курд үндэстнүүд АНУ-ын агаарын довтолгооны дэмжлэгтэйгээр Рабиа хот болон Сирийн хил орчмын тосгодыг эзэмшилдээ оруулсан байна. Энэ хооронд мужийн нийслэл Мосул хотоос 120 км-ийн зайтай орших Рабиа хотод тулаан үргэлжилсээр байгаа ажээ. Мосулаас 100 км, Багдадаас 400 км-ийн зайтай Синжар хотод болсон тулаанд хэт даврагчдын 41 дайчин алагдав. Одоо Америкийн цэргүүд Ирак-Сирийн хилийг заагладаг Аль-Кайм хотын ойролцоо байрлаж, гол замуудыг нь хааж байна. Өнгөрсөн зургадугаар сарын 10-нд Иракийн арми хэт даврагчдад ялагдсаны дараа нөхцөл байдал эрс муудсан билээ.
