Монголын Үндэсний олон нийтийн радио, телевизийн захирал М.Наранбаатар өчигдөр тушаал гарган, МҮОНРТ-ийн дэд захирал Ё.Батбаяр, Олон нийтийн телевизийн захирал Д.Энхтуяа нарыг ажлаас нь халсан талаар бид мэдээлсэн. Тодруулбал, Д.Энхтуяаг тус телевизийн “Алтан фонд”-ын хоёр өрөөнд хийсэн засварын ажлын гүйцэтгэл шаардлага хангаагүй байхад хүлээн авсан гэсэн шалтгаанаар, дэд захирал Ё.Батбаярыг албан тушаалаа урвуулан ашиглаж хувьдаа ашиглаж байсан техник хэрэгслээ байгууллагад нийлүүлэхийг завдсан гэдгээр халсан байдаг.

Тэгвэл Д.Энхтуяагаас М.Наранбаатарыг шүүхэд өгөхөөр болсоноо албан ёсоор мэдэгдлээ. Д.Энхтуяагийн үзэж буйгаар М.Наранбаатар нь хувийн өш хонзонгоор түүнийг ажлаас нь халсан байна. Мөн тэрбээр Үндэсний зөвлөлд нь энэ хүнд ёс зүйн хариуцлага тооцно уу гээд хандчихсан байгаа аж.