“Blackberry” компанийн III улирлын орлого таамаглаж байснаас доогуур гарчээ. Өнгөрсөн арваннэгдүгээр сарын 29-нөөр дуусгавар болсон гурван сарын дүнгээр компанийн орлого 34 хувиар унаж, 793 сая ам.доллар болжээ. Тус компанийн хувьцааны үнэ Нью-Йоркийн хөрөнгийн биржид мөн 0.8 хувиар суларч, 9.99 ам.доллар болж хаагдлаа. “Энэ улирлын орлого хангалтгүй байгаа. Боруулалтын орлого нэмэгдэхэд дахиад хоёр улирал хэрэгэтй” хэмээн тус компанийн гүйцэтгэх захирал Жон Чен тайлбарлажээ.