“Шинэ үе” продакшны жүжигчид ӨМӨЗО-ны Шилийн гол аймагт аялан тоглолт хийж явах үеэр автозамын осолд орсон талаар бид мэдээлсэн. Ослын улмаас  жүжигчин Т.Билгүүн амь насаа алдаж, А.Энхжин, Р.Алтансүх нар гэмтэл авч, эмчлүүлж байгаа юм. Тэгвэл талийгаачийн шарилыг өнгөрсөн бямба гаригт Эрээн хотоос Замын-Үүдийн боомтоор оруулж ирсэн байна. Харин талийгаачийг сүүлчийн замд нь нөгөөдөр буюу лхагва гаригт үдэхээр болжээ.