Өнгөрсөн амралтын өдрүүдэд болсон Хөвсгөл аймгийн АН-ын хороо хуралдаж даргаа огцруулжээ. УИХ-ын гишүүн Л.Гүндалай тойргынхоо АН-ын хорооны даргаар олон жил ажилласан ч энэ хугацаанд нэг ч удаа тайлангаа тавиагүй, дүрмийн дагуу хурал зохион байгуулдаггүй гэж шүүмжлэн огцруулжээ. Харин түүний оронд хуульч Б.Чимидийн хүү Ч.Батцогтыг сонгосон гэж эх сурвалж мэдээлж байна. Өөрийг нь хатуухан шүүмжилсэнд дургүйцсэн Л.Гүндалай гишүүн хурлыг хаяж гарчээ. Өмнө нь “Би бол тэгэж байгаад гарчих байлгүй, тойрогтоо заавал очих шаардлагагүй. Харин нам маань олон суудал авбал сайн л байна” гэж пээдийж байсан гишүүн ажлаа сайн хийгээгүйсээ болж тойргынхоо намын хорооны даргаас огцорчээ. Тиймд Хөвсгөлд дахин нэр дэвшиж, баттай суудал авна гэж бодож байсан нь эргэлзээтэй болж эхэлсэн бололтой.