Сүүлийн үед долдугаар сарын нэгний асуудлаар дагнан судалж шинэ, шинэ зүйлийг гаргаж ирдэг гишүүн Х.Тэмүүжин өчигдөр ээлжит баримтуудыг дэлгэлээ. Түүний авсан мэдээллээр бол шөнө галт зэвсэг хэрэглэсний улмаас дөрвөн хүн амиа алдаж, зургаан хүн шархадсанаас гадна сумны шарх авсан дөрвөн хүн байдгийг нийтэд мэдээллээ. Эдгээр дөрвөн хүнийг цагдаагийнхан мэдэж байгаа ч гэсэн олон нийт мэдэхгүй аж. Мөн цагдаа, шүүхийн байгууллагад бүртгэгдээгүй ч гал зэвсэг хэрэглэсний улмаас хохирсон хүмүүс өөр байгаа гэнэ. Эдгээрийг оруулаад тооцвол долдугаар сарын нэгэнд галт зэвсэг хэрэглэсний улмаас хохирсон иргэдийн тоо 15 хүрээд байгааг Х.Тэмүүжин гишүүн АН-ын 4:11-ийн уулзалтаараа онцоллоо.Мөн тэрээр долоон цагдаа хүн буудсан гэдгийг тогтоосон. Тэр цагдаа нараас байцаалт авахаар хайхад Төв аймгийн Заамар суманд ажилуулж байсныг хэллээ. Энэ нь тэдгээр цагдаа нарыг 2008 оны долдугаар сарын нэгэнд нийслэлд байхгүй байсан гэдгийг мэдэгдүүлэхгүйн тулд хийсэн ажиллагаа хэмээн дурджээ. Х.Тэмүүжин гишүүний ярьж байгаагаар бол долоон сарын нэгэнд болсон үйл явдлыг өдөр болон шөнө болсон гэж ялгах ёстой аж. Ийнхүү Х.Тэмүүжин гишүүн долдугаар сарын нэгний асуудлаар анхаарал татах баримтуудыг нийтэд зарлалаа. Тэрээр цаашид “Цаг нь болгохоор дэлгэх баримтууд байгаа”-г чухалчилан дурдсан. Цаг нь болгохоор дэлгэх баримтууд нь улс төрчидтэй холбоотой гэж хардах хүмүүс ч байна.
