Өнөөдөр цагдаагийн экс дарга нарыг өмгөөлж буй таван өмгөөлөгч хэвлэлийн хурал зарлан, шүүгдэгчдийг өмгөөлөхөөс татгалзаж байгаагаа албан ёсоор мэдэгдсэн. Тэд “Шүүх бүрэлдэхүүн хэд хэдэн хүсэлт гаргасан ч хүсэлтийг хүлээж авдаггүй нь өмгөөлөл эрхзүйн орчинг бүрдүүлж өгөхгүй байна. Мөн өмгөөлөгч байсан байгаагүй энэ хүмүүсийг яллах юм байна. Тиймээс бид үйлчлүүлэгчдээсээ татгалзаж байна” хэмээн мэдэгдсэн. Мөн хурлын үеэр ЦЕГ-ын дарга асан, хошууч генерал Ч.Амарболдын өмгөөлөгч О.Алтангэрэл “Ч.Амарболд болон түүний гэр бүл, цагдаагийн албан хаагчид мөн энэ хэргийг шударга шүүгээсэй гэж итгэж найдан хүлээж байгаа нийт хүмүүсээс албан ёсоор уучлалт гуйж байна” гэлээ. Б.Чимэг
