З.Мөнх-Эрдэнэ хүү ном уншиж, сайхан бичиж, дуу дуулж, англиар ч чөлөөтэй уншдагаа хотын даргад хэлсэн. Нийслэлийн засаг дарга бөгөөд Улаанбаатар хотын захирагч С.Батболд энэ сарын 26-нд болох нийслэлийн шилдэг сурагчдын “Харшийн сүлд модны наадам”-д албан ёсоор оролцох урилгыг З.Мөнх-Эрдэнэд өглөө. Анх удаа таван настай хүү хотын даргын урилгаар “Харшийн сүлд модны наадам”д оролцож, өвлийн өвгөнөөс бэлэг авах юм.

Мөн Баянгол дүүргийн иргэн Л.Батчулуун өөрийн зохион бүтээсэн цахилгаан халаагуурыг хотын даргад танилцууллаа. Тэрээр “Нийслэлийн агаарын бохирдолыг багасгахад уг халаагуур ач тустай. Хамгийн бага эрчим хүчээр хамгийн их дулаан гаргах боломжтой. Одоогийн байдлаар өөрийн хэмжээнд үйлдвэрлэлээ эрхэлж байна. Цаашид хотын удирдлагаас тусламж, дэмжлэг хүсч байна” гэсэн юм.

“Хотын удирдлагууд агаарын бохирдлыг бууруулах чиглэлээр хамгийн зөв шийдлийг эрэлхийлэн ажиллаж байна. Цахилгаан халаалт нь маш үр дүнтэй аргуудын нэг мөн. Та зохион бүтээсэн халаалтын төхөөрөмжөө аюулгүй, эрсдэлгүй ажиллах тал дээр холбогдох байгууллагуудын дүгнэлтийг гаргуулах хэрэгтэй” гэдгийг хотын дарга хэллээ. Түүний дараа нийслэлийн зүгээс зохион байгуулдаг үзэсгэлэн яармагт бүтээгдэхүүнийг нь оролцуулж, дэмжихэд бэлэн гэдгээ Засаг дарга илэрхийллээ.

Сонгинохайрхан дүүргийн иргэн Г.Баясгалан Баянгол дүүргийн 5-р хорооны нутаг дэвсгэрт ашиглаж буй 60 мкв газрыг өөрийн нэр дээр болгож өгөхийг хүссэн юм. Тэрээр тухайн газартаа цайны газар, хүнсний дэлгүүр ажиллуулдагаа хэлсэн. Нийслэлийн Засаг дарга холбогдох албаны хүмүүстэйгээ судлаж үзээд ерөнхий төлөвлөгөөнд тусгагдаагүй өөр газарт газар эзэмшүүлэх боломжтой эсэх талаар эргэн хариу хэлэхээр тогтлоо.

Үүний дараа Баянзүрх дүүргийн иргэн С.Батбаяр хотын даргатай уулзсан юм. Тэрээр өөрийн оршин суудаг 14-р хорооны 58-р байрны ойр хавьд түгжрэл ихээр үүсдэгээс гадна гарц, зогсоол байдаггүй талаар Засаг даргад дуулгалаа. Мөн зөвшөөрөлтэй эсэх нь мэдэгдэхгүй хашаа, барилга, айлууд хүртэл буух болсныг хэлээд үүнийг шийдвэрлэж орох, гарах гарц, гармыг нээлгэж өгөхийг хүслээ.

Нийслэлийн Ерөнхий төлөвлөгөөний газраас тухайн газарт дахин төлөвлөлтийн ажил хийгдэж байгаа учир барилгын ажил явагдаж байгаа. Батлуулсан ажлын зураг дээр тухайн байрны хойшоо, урагшаа нэвт гардаг зам барихаар төлөвлөгдсөн байгаа гэдгийг тайлбарлалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

рчим хүч, зам, тээврийн салбарт хэрэгжүүлэх төсөл, хөтөлбөрийн жагсаалтыг Засгийн газраас батлав. Жагсаалтад багтсан төслийг түлхүүр гардуулах нөхцөлөөр хөрөнгө оруулагч өөрийн хөрөнгөөр санхүүжүүлэх нөхцөлтэйгөөр гүйцэтгэгчийг холбогдох хууль, тогтоомжийн дагуу шалгаруулах юм байна. Төсөл, хөтөлбөрүүдийг 2017 оны эхний улиралд багтаан гэрээ байгуулж, ажлыг нь эхлүүлэхийг холбогдох сайд нарт даалгажээ. Тус жагсаалтад:

-Дулааны III цахилгаан станцын хүчин чадлыг 250 МВт-аар нэмэгдүүлэх, дулаан дамжуулах сүлжээг өргөтгөх төсөл

-Чойбалсангийн дулааны цахилгаан станцын хүчин чадлыг 50 МВт-аар нэмэгдүүлэх, дулаан дамжуулан сүлжээг өргөтгөх төсөл

-Багануур-Чойрын өндөр хүчдэлийн цахилгаан дамжуулах агаарын шугам, Багануурын дэд станцыг өргөтгөх төсөл,

-Чойрын дэд станц барих, өргөтгөх төсөл

-Хөшөөтийн уурхайгаас Ховд аймгийн Алтай сум хүртэлх 35 кВт-ын цахилгаан дамжуулах агаарын шугам, дэд станц барих төсөл

-Чойбалсан хотоос Хөөтийн уурхай хүртэлх 192 км төмөр зам барих төсөл,

-Хөөтийн уурхайгаас улсын хилийн Бичигт боомт хүртэлх 234 км төмөр зам барих төсөл,

-Зүүнбаян өртөөнөөс улсын хилийн Ханги боомт хүртэлх 281 км төмөр зам барих төсөл,

-Нарийнсухайтын уурхайгаас улсын хилийн Шивээхүрэн боомт хүртэлх 45.3 км төмөр зам барих төсөл багтжээ.

Худалдаа, эдийн засаг, шинжлэх ухаан, техникийн Монгол-ОХУ-ын Засгийн газар хоорондын комиссын 20 дугаар хуралдаанд Монгол Улсын Ерөнхий сайд Ж.Эрдэнэбат өнөөдөр ОХУ-ын Байгалийн нөөц, экологийн сайд, Орос, Монголын Засгийн газар хоорондын комссын хэсгийн дарга С.Е.Донскойг хүлээн авч уулзлаа.



Уулзалтын эхэнд Монгол Улс, ОХУ-ын харилцаа, хамтын ажиллагаа Стратегийн түншлэлийн түвшинд хүрч амжилттай хөгжиж байгааг дурдаж, худалдаа, эдийн засгийн хамтын ажиллагааг улам эрчимжүүлэх хамтын хүчин чармайлтаар даван туулах хэрэгтэй байгааг Ерөнхий сайд илэрхийллээ.



Уулзалтын үеэр хоёр орны салбарын яамд хоорондын хамтын ажиллагаа идэвхтэй өрнөж байгааг талууд УБТЗ үр ашгийг нэмэгдүүлэх, хил орчмын бүс нутгийн худалдааг бэхжүүлэхийг дурдаад Монгол дахь Оросын үл хөдлөх хөрөнгийн асуудлаар Стратегийн түншлэлийг хөгжүүлэх дунд хугацааны хөтөлбөрт заасан зарчмуудын хүрээнд хоёр талын ажлын хэсгүүд идэвхтэй ажиллах хэрэгтэй байгааг хүсэв.



Мөн Монгол Улс, Евразийн эдийн засгийн холбоо хооронд чөлөөт худалдааны хэлэлцээр байгуулах нь хоёр талын худалдаанд ихээхэн ач холбогдолтойг дурдав гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

ХБНГУ-ын Элчин сайдын яамны Нэгдүгээр нарийн бичгийн дарга, Хөгжлийн хамтын ажиллагааны хэлтсийн дарга Кристиан Глаас, “Энэ удаагийн ойн тооллого нь Монгол Улсын ойн салбарт ахиц дэвшил гаргах чухал судалгаа болсныг онцлов. Мөн GIZ-н “Биологийн олон янз байдал ба уур амьсгалын өөрчлөлтөд ойн гол экосистемүүдийн дасан зохицох нь II” хөтөлбөрийн захирал Клаус Шмидт-Кроситто “Монгол Улсын Засгийн газрын хувьд эхлэх цэгээ тавилаа гэж би дүгнэж байна. Үүнээс цааш ойн талаарх менежмент, ойг тогтвортой байлгах гэх мэт бодлогоо хэрхэн зөв тодорхойлсноор ойн өсөлт, ирээдүй шалтгаална” хэмээлээ. Үндэсний ойн тооллогоор Монгол орны ой хөгширсөн, ойн нөөц бага, эмзэг, ой сэргэн ургах чадвар хангалттай сайн, ой модыг бага ашигласан хэмээн дүгнэжээ. Тиймээс цаашид Монгол орны ойг,уур амьсгалын өөрчлөлтөд дасан зохицсон, сайн өсөлттэй, бүтээмж өндөр болгох шаардлага тулгарч учир “ойн тогтвортой менежмент”-ийн хэрэгжилтийг хангах бодлого эрх зүйн орчныг сайжруулах, ойн аж ахуйн арга хэмжээг боловсруулахад ойн үндэсний тооллогын мэдээг ашиглахад ихээхэн чухал үүрэгтэй хэмээн БОАЖЯ-ны Ойн бодлого зохицуулалтын газрын дарга М.Тунгалаг ойн тооллогын ажлын тайланг танилцуулахдаа дурьдсан юм. Мөн энэ үеэр ойг хамгаалахад үнэтэй хувь нэмэр оруулсан хүмүүст салбарын шагнал гардууллаа хэмээн БОАЖЯ-ны ХМА-наас мэдээллээ.

Ховд аймгийн баруун гурван сумын малчид зудын эрсдэлээс гарахын тулд адуугаа зарж байгаа тул хилээр амьд адуу гаргахгүй гэсэн Шадар сайдын шийдвэрийг эсэргүүцэж байгаагаа илэрхийлэв. Тэд өвлийн эхэн сараас өвөлжилт хүндэрч, зуданд тэсвэргүй, арчилгаа их шаардагддаг бод мал болох адуугаа зарж мөнгөтэй болох нь чухал гэж үзжээ.

Малчид хилээр адуу гаргахгүй гэсэн Шадар сайдын шийдвэрээс болж мал ч үгүй, мөнгө ч үгүй болох эрсдэл тулгарч буй тухай хэлж байна. Тухайн сумдын малчид 700 орчим адуу аж ахуйн нэгжид гэрээгээр өгөөд, мөнгөө авч чадахгүй хүлээлтийн байдалтай байгаа аж.

Хэрэв холбогдох байгууллагуудаас гаргаж байгаа шийдвэрийг хүлээвэл малчид хохирох магадлал их гэнэ. Тиймээс ядаж улсын хэмжээнд тусгай зөвшөөрөл бүхий амьд адуу гаргадаг аж ахуйн нэгжийг бүгдийг нь биш юм гэхэд өвөлжилт хүндэрсэн цас зудтай сумдын малчдын адууг нэг удаа гадагшаа гаргах зөвшөөрөл олгож өгөх боломжийг нутгийн иргэд төр засгаасаа хүсчээ.

ХЭВЛЭЛИЙН МЭДЭЭ
Өнөөдөр 2016 оны Орон нутгийн сонгуулийн үр дүнд бий болсон Баянзүрх дүүргийн ИТХ-аас хэвлэлийнхэнд хандаж мэдээлэл өглөө. Сонгуулийн Ерөнхий хороо болон Нийслэлийн сонгуулийн хорооны албан ёсны дүнгээр 41 мандаттай тус дүүрэгт АН 22, МАН 19 суудал авсан байдаг. Тэд дараах мэдээллүүдийг баримт нотолгоотойгоор олон нийтэд дэлгэснийг хүргэж байна.
Хотын дарга улстөржиж байна
Тус дүүргийн ИТХ-ын дарга Ш.Ганчимэгийн хэлснээр, Хан-Уул дүүрэгт 3 суудлын илүүгээр МАН олонх болсон байхад Засаг даргыг нь хоёр хоногийн дотор батламжилсан. Гэтэл мөн 3 суудлын илүүгээр Баянзүрх дүүрэгт АН ялалт байгуулсан байхад дүүргийн Засаг даргыг томилж, төрийн байгууллагын үйл ажиллагааг хэвийн явуулах боломжийг олгохгүй байна гэв. Өөрөөр хэлбэл, сонгууль дууссанаас хойш 40 хоног өнгөрч байхад хотын дарга хууль шүүхийн байгууллагын шийдвэрийг үл хүндэтгэн Баянзүрхчүүдийн сонголтыг уландаа гишгэж байгаа нь улстөржсөн явдал хэмээн үзэж байна гэлээ.
Дүүргийн ажил гацаанд орох нь
Төрийн байгууллагын ажил тасралтгүй хэвийн, түргэн шуурхай байж, иргэдэд ямар нэгэн чирэгдэл учруулахгүй байх ёстой. Гэтэл 2016 оны Орон нутгийн сонгуулийн үр дүнг хүлээн зөвшөөрөхгүй байгаа хотын даргын эс үйлдлээс болж Баянзүрх дүүргийн үйл ажиллагаа доголдоход хүрээд байна. Тус дүүргийн Засаг даргыг өнөөдрийг хүртэл томилохгүй байгаа нь төрийн үйл ажиллагаанд хүндрэл учруулаад зогсохгүй 1300 гаруй төрийн албан хаагчийг цалингүй болох хэмжээнд хүргээд байна. Мөн тус дүүрэг хог шороогоо ачих төсөв мөнгөгүй, цас мөс цэвэрлэх ажилтангүй болж, олон мянган иргэний эрх ашиг зөрчигдөхөд ойрхон болжээ. Өөрөөр хэлбэл, тус дүүрэг 2017 оны төсвөө батлаж чадахгүйд хүрээд байгаа нь Нийслэлийн Засаг даргын “зөрүүд зан”-тай холбоотой гэлээ.
Дүүргийн сонгуулийн хороог өөрийн хүмүүсээрээ бүрдүүлжээ
Дүүргийн сонгуулийн хорооны дарга О.Бат-Өлзий нь тус дүүргийн Ерөнхий боловсролын 53 дугаар сургуулийн захирал буюу төрийн албан хаагч. Гэтэл төрийн албан хаагч энэ удаагийн орон нутгийн сонгуульд МАН-д илтэд үйлчлэв. Зөвхөн орон нутгийн ч бус УИХ-ын сонгуульд МАН-аас нэр дэвшигч Батзоригийн сонгуулийн сурталчилгаанд ажиллаж байсан нэгэн. Товчхондоо, Баянзүрх дүүргийн сонгуулийн хороог даргалахаар томилогдсон хүмүүс нь Су.Батболд нарын өөрсдийнх нь томилгооны хүмүүс буюу тэдний үнэнч фанат гэв.
Шүүхийн шийдвэрээс илүү эрх мэдлийг төрийн албан хаагчид хотын дарга өгөв үү
АН-аас нэр дэвшин хамгийн олон хүний санал авч ялалт байгуулсан нэр бүхий 6 хүнийг МАН-ын захиалгаар дүүргийн Сонгуулийн хорооны дарга О.Бат-Өлзий дур мэдэн хүчин төгөлдөр бус тогтоол үйлдэж хассан байдаг. Түүгээр ч барахгүй Баянзүрх дүүргийн 224 мянган сонгогчийн хувийн нууцад хамаарах мэдээллийг сонгуулийн хорооны байрнаас гаргаж, бусдад тараасан зэрэг удаа дараа хууль зөрчсөн үйлдэл гаргажээ. Гэтэл тэдний гаргасан дээрх хууль бус шийдвэрийг шүүхийн байгууллагаас хүчингүй хээмэн үзэж, АН-аас сонгогдсон нэр бүхий 6 хүний гэм буруугүй болохыг тогтоогоод байхад Баянзүрхийн сонгуулийг будлиантуулж, иргэдийн сонголтыг үл хүндэтгэн, шүүхийн шийдвэрээс илүү эрх ямба эдэлж байгаа О.Бат-Өлзий нарын хүмүүст Монгол Улсын хууль үйлчлэхгүй байсаар байх уу. Хотын дарга хууль зөрчсөн төрийн албан хаагчдынхаа толгойг хэдий болтол илэх юм бол...
Хотын даргыг шүүхэд өгөхөөр болов
Баянзүрх дүүргийн ИТХ-ын анхдугаар хуралдаан 53,7 хувийн ирцтэйгээр, хоёрдугаар хуралдаан 90,2 хувийн ирцтэйгээр хуралдаж шийдвэрээ гарган хотын даргад удаа дараа уламжилжээ. Гэтэл нутгийн өөрөө удирдах байгууллагын эрх хэмжээг үл хүндэтгэн дүүргийн Засаг даргыг томилох үүргээ биелүүлж ажиллаагүй Нийслэлийн Засаг дарга бөгөөд Улаанбаатар хотын захирагч С.Батболдыг хуульд заасан үүргээ биелүүлээгүй үндэслэлээр шүүхэд өгөхөөр болжээ.

Өнөөдрөөс нийслэлд зөвшөөрөлгүй үйл ажиллагаа явуулж буй ТҮЦ-үүдийг албадан нүүлгэж эхлээд байна. Нийслэлд 1000 гаруй ТҮЦ байдаг. Тэдний 757 нь зөвшөөрөлгүй үйл ажиллагаа явуулж буй аж. Иймд Нийслэлийн өмчийн харилцааны газраас тус ТҮЦ-үүдийг албадан нүүлгэхээр болсон аж.

Нийслэлийн өмчийн харилцааны газраас зөвшөөрөлгүй ТҮЦ-үүдийг албан нүүлгэж, газар чөлөөлөх тухай мэдэгдэл гаргажээ. Үүнтэй холбогдуулан ТҮЦ эрхлэгч иргэдийн төлөөлөл мэдээлэл хийв. Үйлчилгээ эрхэлдэг иргэд гомдолтой байгаагаа илэрхийлсэн юм.

Иргэдийн төлөөлөл “Төрийн албаны уялдаа холбоогүй шийдвэрээр олон хүн хохирч байна. 2014 онд баталсан тогтоол, тухайн үеийн удирдлагуудын заавраар шинэчлэсэн загварын ТҮЦ-үүдийг өр зээл тавин худалдаж авсан. Гэтэл өнөөдөр өр зээлээ төлж дуусаагүй байхад дахин үйл ажиллагааг зогсоох шийдвэр гарлаа. Бидний хохирлыг буруу шийдвэр гаргасан тухайн үеийн удирдлагууд хариуцах уу, хохирлыг хэн барагдуулах вэ. Иймд Нийслэлийн Засаг дарга, Нийслэлийн өмчийн харилцааны газар бусад холбогодох байгууллагууд энэхүү асуудалд анхаарал хандуулаасай гэж хүсэж байна” гэлээ.


Мөн тэд Нийслэлийн удирдлагуудад хамтран ажиллах, зөвшилцөлд хүрэх хүсэлтэй байгаагаа дуулгав.

УИХ-ын Хууль зүйн байнгын хорооны хуралдаан үргэлжилж байна. Яг одоо Гэр бүлийн хүчирхийлэлтэй тэмцэх тухай хуулийн төслийг хэлэлцэж байгаа юм. Харин хуралдааны эхэнд гишүүдийн олонхийн саналаар өнөөдөр хэлэлцэхээр төлөвлөөд байсан оффшорын асуудлыг зохицуулах тухай буюу Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг хэлэлцэхийг долоо хоногоор хойшлууллаа. Учир нь тус хуулийн төслийн ажлын хэсэг хуралдаагүй аж.

Улаанбаатар хотын Ерөнхий менежерийн 2016 оны 11 сарын 29-ний өдрийн А/154 тоот тушаалаар Улаанбаатар хотын цас мөсний цэвэрлэгээ хийх нийтийн эзэмшлийн гол гудамж, зам талбайн хуваарийг баталж, 2016 оны 12 дугаар сарын 01-ний өдрөөс 2017 оны 04 дүгээр сарын 01-ний өдөр хүртэл мөрдөхөөр боллоо. Өөрөөр хэлбэл нийтийн эзэмшлийн 131 гудамжны 72 гудамж буюу 55 хувийг дүүргийн ТҮК болон хувийн хэвшлийн байгууллагууд, 59 гудамжийг “Хот тохижилтын газар” ОНӨААТҮГ хариуцан ажиллаж байна.

Жил бүрийн өдийд улаанбурханы дэгдэлт их байдаг байдаг уг өвчнөөр бага насны хүүхдүүд эндэх тохиолдол элбэг байдаг.

Жил бүрийн халдварт өвчний дэгдэлтийн судалгаан дээр үндэслэн Эрүүл мэндийн яам урьдчилан сэргийлэх, вакцинжуулах ажлыг цаг тухайд нь хийх хөрөнгийн асуудлыг төсөвтөө суулгах хэрэгтэй байдаг аж. Одоогоор улаан бурханы эсрэг вакцинжуулалт 90 гаруй хувьтай байгаа бөгөөд хамрагдаагүй үлдсэн хэсгийг вакцинжуулахаар ажиллаж байна. Өнгөрсөн жил зургаан сартай хүүхдүүд улаан бурхнаар өвчилж, цөөнгүй эндэгдэл гарсан.

ДЭМБ-аас улаан бурханы дэгдэлтийн үед зургаан сартай хүүхдэд вакцин хийж болно гэсэн зөвлөмж өгсөний дагуу эхний ээлжинд нийслэл Улаанбаатар хотын 9 дүүрэг, 5 аймагт 6 сартай хүүхдүүдэд вакцин хийж эхлээд байна. Харин вакцины нөөц хангалттай байгаа талаар эх сурвалж хэлэв.

УИХ-ын гишүүн Ж.Батзандан Төрийн ордонд өөрийнхөө өрөөнд хэвлэлийн хурал зарлаж мэдээлэл хийлээ. Тэрээр өнгөрсөн долоо хоногт болж өнгөрсөн АН-ын Их хуралтай холбоотой болон тус намын даргад нэр дэвшигч ямар шаардлага хангах ёстой болсон талаар мэдээлэл хийсэн юм.

Ц.Өлзийжаргал: С.Зоригийн хэрэг “маш нууц”-д хамаарч байгаа

УИХ-ын Эдийн засгийн байнгын хорооны хуралдаан өнөө өглөө 09:00 цагт товлогдсон байв. Гэвч гишүүдийн ирц бүрдээгүйн улмаас өнөөдрийн хуралдаан хойшиллоо.

Эдийн засгийн байнгын хорооны хуралдааны хувьд хоёр дахь удаагаа ипотекийн зээлтэй холбоотой асуудлыг хойшлуулаад байна. Өнгөрсөн долоо эдийн засгийн байнгын хороо мөн л ирц бүрдээгүйн улмаас хуралдаагүй юм.

салбарын хүрээнд бодлогоор дэмжиж, төлөвлөгөө гарган, шат дараатайгаар дэмжих шаардлагатайг шуурхай хурлын үеэр хэлсэн. Мөн цахилгаан таксины үйлчилгээ явуулах гадаадын нисэх буудлуудын жишээг судлах, цахилгаан таксины загвартай танилцан саналаа өгөх, буруу талдаа хүрдтэй автомашиныг хязгаарлахыг татварын бодлогоор зохицуулах, бусад хүчин зүйлстэй уялдуулах асуудлыг судалж, тус компанийн зөв талдаа хүрдтэй болгох боломжтой саналыг судлан үзэхийг холбогдох газарт үүрэг болгов.

Ардчилсан нам хоёрдугаар сарын 20-нд сунгаагаар намын даргаа сонгоно гэдгээ мэдэгдээд байгаа билээ.

Авлигын эсрэг хуулийн үйлчлэлд хамрагдах мэдүүлэг гаргагчид нь хуульд заасан үндэслэлийн дагуу хувийн ашиг сонирхлын мэдүүлэг болон хөрөнгө, орлогын мэдүүлгээ жил бүрийн 2 дугаар сарын 15-ны дотор www.meduuleg.iaac.mn цахим хуудсаар шинэчлэн мэдүүлэх үүрэгтэй бөгөөд тус газраас цахим системийг шинэчлэх, нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлгийг хянах үйл ажиллагааг цахимаар хэрэгжүүлэхээр ажиллаж байна.



Мөн тус газраас хөрөнгө, орлогын мэдүүлгийг улсын хэмжээнд бүртгэх, хүлээн авах үйл ажиллагааг зохион байгуулахтай холбогдуулан 2017 оны мэдүүлгийн бүрдүүлэлтийн үйл ажиллагааны бэлтгэл ажлыг ханган ажиллах чиглэлээр төрийн болон нутгийн захиргааны нийт 106 байгууллагын удирдлагуудад зөвлөмж, чиглэлийг боловсруулан хүргүүлсэн байна.



2016 оны Улсын Их Хурал, аймаг, нийслэлийн иргэдийн Төлөөлөгчдийн хурлын сонгуулийн дүн болон Монгол Улсын Их Хурлын 2016 оны 7 дугаар сарын 21-ний өдрийн 12 дугаар тогтоолоор Засгийн газрын бүтэц, зохион байгуулалт өөрчлөгдсөнтэй холбогдуулан төрийн байгууллагуудын мэдүүлгийг бүртгэх, хянах, хадгалах эрх бүхий албан тушаалтны 40 гаруй хувь нь шинээр томилогдон өөрчлөгдсөн тул Авлигатай тэмцэх газраас мэдүүлэг гаргагч болон мэдүүлгийг бүртгэх, хянах, хадгалах эрх бүхий албан тушаалтнуудыг арга зүйн удирдлагаар хангаж сургалт зохион байгуулан ажиллаж байна.

“National Geographic”-ийн 2016 оны шилдэг зургууд

Дэлхийн Буддын шашны тэргүүн, дээрхийн гэгээнтэн XIV Далай лам өнгөрсөн сард Монголд дөрөв хоногийн айлчлал хийсэн юм. Энэхүү айлчлалыг БНХАУ-ын засгийн газар эсэргүүцсэн олон мэдэгдэл нийтэлсэн билээ.

Тэгвэл өчигдөр тус улсын төрийн мэдээллийн хэрэгслээр Энэтхэгийн гадаад харилцааны бодлогыг шүүмжилсэн нийтлэл гарсан байна. Үүнд Энэтхэг Монгол Улс хоорондын харилцааг дурджээ. Нийтлэлд Далай ламын айлчлалын шалтгааныг Энэтхэгийн нэг тэрбум ам.долларын зээлтэй холбон тайлбарлав.

“Энэтхэг улс Монгол Улсад нэг тэрбум ам.долларын зээл олгох гэж байгааг авлига гэж ойлгож болох юм” хэмээн нийтлэлд өгүүлжээ. Өөрөөр хэлбэл, Монгол Улс Энэтхэгээс тэрбум ам.долларын хөнгөлөлттэй зээл авахын тулд Далай ламыг Улаанбаатарт айлчлахыг зөвшөөрсөн гэж Хятадын хэвлэлд бичсэн байна. 2015 онд Энэтхэгийн Ерөнхий сайд Нарендра Моди Улаанбаатарт айлчлах үеэрээ Монголд тэрбум ам.долларын хөнгөлөлттэй зээл олгохоор талууд тохиролцсон юм.

Хятадын талын нийтлэлд “Уг зээлээр дамжуулан Энэтхэгийн тал Монголтой харилцаа холбоотой сайжруулах алхам хийж байна. Хятад улс нь Энэтхэг, Монгол Улсын хамтын ажиллагааны хэт дотно байдалд эмзэг хандах болно” гэжээ.

Мөн “Монгол улсын импорт, экспортын 90 гаруй хувь нь Хятадаас хамааралтай байдаг. Тиймээс Энэтхэг нь Хятадаас богино хугацаанд Монголын эдийн засагт байр сууриа олж чадахгүй. Харин Энэтхэгийн талаас Монголд өгөх тэрбум ам.долларын “авлига”-ын оролдлого л явагдаж байна” хэмээсэн байна.

зээлийн хөтөлбөрийн хэрэгжилт, барилгын салбарын өнөөгийн байдал, тулгамдсан асуудлуудын талаархи Барилга, хот байгуулалтын сайдын, Төрийн өмчит болон төрийн өмчийн оролцоотой компаниудын өр, зээлийг барагдуулж, ашигт ажиллагааны түвшинг дээшлүүлэх талаар авч хэрэгжүүлж буй арга хэмжээ, үр дүн болон 2017 онд хувьчлагдах обьектуудын хувьчлалын бэлтгэл ажлын явц, байдал, тулгамдсан асуудлуудын талаархи Төрийн өмчийн бодлого, зохицуулалтын газрын даргын мэдээллийг сонсохоор төлөвлөсөн байлаа.

Баянгол дүүргийн 18 дугаар хороо, 86 дугаар байрны баруун талд дулааны шугамын худагт 40 орчим настай эрэгтэй нас баржээ.