АТГ-аас МАХН-ын Санхүү хариуцсан нарийн бичгийн дарга П.Цогтбаатарыг тус намын ерөнхий нарийн бичгийн дарга Г.Шийлэгдамбын хэрэгт холбогдуулан баривчилж ШШГЕГ-ын урьдчилан хорих 461-р ангид саатуулж байгаад батлан даалтад гаргасан билээ.

Нийслэлийн зургаан дүүргийн эмнэлэгт нүдний эмч нар иргэдэд үнэ төлбөргүй үзлэг хийхээр болжээ. Уг үзлэг маргааш буюу энэ сарын 11-ний өглөө 09 цагаас эхлэх бөгөөд Улсын нэгдсэн төв эмнэлэг, Улсын хоёрдугаар эмнэлэг, Улсын гуравдугаар эмнэлэг, Болор Мэлмий болон бусад хувийн эмнэлгийн нүдний эмч нар ажиллана.



Тус үйл ажиллагаа нь жил бүрийн 10 дугаар сарын хоёр дахь пүрэв гарагт болдог хараагүй болохоос урьдчилан сэргийлэх талаар олон нийтэд мэдээлэл олгох, уг асуудалд анхаарал хандуулах өдрийг тохиолдуулан зохион байгуулж байгаа юм.



Үнэгүй хийх үзлэгийн хуваарийг танилцуулахад, Сонгинохайрхан дүүрэгт “Инфинити” эмнэлэгт, БЗД-т “Солонго” эмнэлэгт, СБД-т Улсын нэгдүгээр төв эмнэлэгт, ЧД-т “Болор мэлмий” эмнэлэгт БГД-т “Орбита” эмнэлэгт, ХУД-т “Сайт” эмнэлэгт тус тус хийхээр болжээ.

Төрийн албан хаагчдыг Хепатит В вирусийн эсрэг вакцинжуулалтад хамруулж эхэллээ.



Тэрээр “Дархлаажуулалтын 10 хоног”-ийн хүрээнд зохион байгуулж байгаа бөгөөд үүнд төрийн болон хувийн хэвшлийн бүх эрүүл мэндийн байгууллага, анагаах ухааны их дээд сургуулийн оюутнууд, ОБЕГ-ын ажилтнууд, хууль сахиулах, зэвсэгт хүчин, цэргийн бие бүрэлдэхүүн, ажилтнуудад хамрагдах юм.



Харин 2011-2015 оны хугацаанд хепатит В вирусийн эсрэг вакцинд хамрагдсан эмнэлгийн ажилчид хамрагдахгүй юм.

ОБЕГ-аас “Мерси Кор” олон улсын байгууллагатай хамтран “Онцгой байдлын үед мал амьтныг аврах, хамгаалахад чиглэсэн хүмүүнлэгийн тусламжийн заавар, стандарт (LEGS)” сургалтыг зохион байгуулж байна.

14646638_1341812112535785_367753493_oЭнэхүү сургалтыг “Мерси” Кор ОУБ-ын “Зудын эрсдэлийг бууруулахад Уламжлалт болон Шинжлэх ухааны аргыг ашиглах нь” төсөл болон НҮБ-ын ХХААБ-ын “Гангаас улбаатай зудын хүндрэлийг эрсдэл багатай даван туулахад яаралтай тусламж үзүүлэх, чадавхыг сайжруулах” техник хамтын ажиллагааны төслийн хүрээнд хамтран зохион байгуулж байгаа юм.

14191540_1341805215869808_1102586017_o

Сургалтын зорилго нь, амьжиргаа нь мал аж ахуйгаас хамааралтай зудад нэрвэгдсэн иргэдийн чадавхийг сайжруулахад оршиж байгаа бөгөөд таван бүсийн Ховд, Завхан, Өвөрхангай, Дундговь, Сүхбаатар, Дорноговь гэх мэт 15 аймгуудад сургалт явагдана.

14677951_1341805295869800_1621969941_o

Сургалтад ОБЕГ, төв орон нутгийн Онцгой байдлын анги байгууллагын Гамшгаас хамгаалах төлөвлөлт, бэлэн байдал хариуцсан ахлах мэргэжилтнүүд, ХХААҮЯ, Мерси Кор ОУБ-ын мэргэжилтнүүд хамрагдаж байна.

14677925_1341805279203135_1485297133_o

Сургалтад хамрагдсан мэргэжилтнүүд орон нутгийн хэмжээнд сургагч багш бэлтгэн тэдгээр сургагч багш нараар дамжуулан малчдад онцгой байдлын үед мал амьтныг хамгаалах, зудын эрсдэлийг даван туулах чиглэлээр мэдлэг олгох юм.

14677911_1341805265869803_134489391_o

Монгол Улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба гаригийг “Бүх нийтээр мод тарих үндэсний өдөр” болгон зарласан билээ. Энэхүү зарлигийн дагуу аравдугаар сарын 8-ны бямба гаригт “Монгол Наадам Цогцолбор” ОНӨТҮГазраас санаачлан “Ногоон төгөл” мод тарих өдөрлөгийг Хүй долоон худагт зохион байгууллаа.

Тус арга хэмжээнд НИТХ-ын дарга Ц.Сандуй болон НИТХ-ын Тэргүүлэгч, Төлөөлөгчдийн төлөөлөл, НИТХ-ын ажлын алба, “Байгаль Эх Дэлхийгээ Аврах Тэнгэрлэг Аян” ТББ, МҮСХолбоо, “Гурван бүдүүн” хамтлаг, Sync хамтлаг, дуучин Эгшиглэн, Монгол Наадам Цогцолборын ажилчид зэрэг нийслэл, урлаг, соёлын төлөөллөөс бүрдсэн 70 гаруй хүмүүс оролцож 1,5 метрийн өндөртэй 60 нарс мод тарилаа.

Өдөрлөгийн нээлтийн үеэр НИТХ-ын Дарга Ц.Сандуй: “Бүх нийтээр мод тарих үндэсний өдрийн мэндийг хүргэе! Монголчууд мод тарьдаг сайхан уламжлалтай болоод удаж байна. Энэхүү уламжлалын хүрээнд жилээс жилд иргэд, аж ахуйн нэгжүүд, олон нийтийн байгууллагууд, хүүхэд залуус мод тарих ажилд идэвхтэй оролцдог боллоо. Хүй долоон худагт мод тарих арга хэмжээг зохион байгуулж буй Монгол Наадам Цогцолборын хамт олонд талархал илэрхийлье. Бидний энэхүү байгаль орчноо сэргээх чиглэлээр хийж байгаа мод тарих ажил жил бүр илүү өргөжин Хүй долоон худгийг ногоон төгөл болгоно гэдэгт итгэлтэй байна. Энэ сайхан үйлс улам дэлгэрэх болтугай” гэв.

Тус өдөрлөгт ирсэн зочид төлөөлөгчид Хүй долоон худгийн бүтээн байгуулалт болон ерөнхий төлөвлөгөөтэй танилцлаа. Мөн “Байгаль Эх Дэлхийгээ Аврах Тэнгэрлэг Аян” ТББ-ын Тэргүүн Б.Наранцогт нарс модыг хэрхэн тарих, арчлан хамгаалах, ургуулах талаар заавар, зөвлөгөө өглөө гэж “Монгол наадам цогцолбор” ОНӨТҮГазраас мэдээллээ.

Монгол улсын нутгаас маш сайн хадгалагдсан морины мумми олдсон тухай “National Geograpchic” сэтгүүл мэдээлжээ. Тодруулбал, өнгөрсөн он Монголын үндэсний музейн хэсэг судлаачдаас бүрдсэн хайгуулын баг Ховд аймгийн Мянгад орчимд малтлагын ажлаа эхлүүлж байжээ. Малтлагын ажил үр дүнд хүрч, занданшуулан хадгалсан морины бие цогцос тэндээс олджээ. Уг морийг тун чамбай боож, арьс ширээр давхарлан ороож, хажууд нь эврээр зорж хийсэн нум сум, морины бүхий л эд хэрэглэл хамтдаа байсан аж. Дайнд бэлтгэсэн уг хүлэг морины тоног хэрэгсэл нь 6-8-р зуунд хамаарч байгааг судлаачид олж мэдсэн байна. Түрэг династи 6-8-р зуунд, Монголын ихэнх нутгаар нүүдэллэн аж төрж байгаад улмаар Афганистан, Туркменистаны нутаг руу буюу баруун тийш нүүдэллэн оджээ. Гэхдээ түргүүдийн үлдээсэн ул мөр бүр сүүлд 10-11-р зуунд ч Монголын нутгаар маш ихээр олддог бөгөөд шинжлэх ухааны нарийн судалгаа шаардлагатай гэж малтлагын багийнхан мэдээлжээ.
Мянгадын орчмын агуйгаас олдсон тоноглогдсон морины муммины тухай археологчдын багийн ахлагч, судлаач Ж.Баярсайхан “Энэ агуйд морийг эзэнтэй нь хамт оршуулсан байна. Гэхдээ цаг хугацааны эрхэнд морины бие цогцос хамгийн сайн хадгалагдаж үлджээ” хэмээжээ.
Б.Цэцэг

Өнгөрсөн нэгдүгээр сард гарсан Баянгол дүүргийн 15-р хорооны нутаг дэвсгэрт байрлах байрны орцонд өндөр настай эмээг дээрэмдэж, улмаар шатаар чирч биед нь хүнд гэмтэл учруулсан хэргийн шүүх хурал өнгөрсөн долдугаар сард Баянгол дүүргийн эрүүгийн хэргийн анхан шатны шүүхэд болсон.

Шүүх хурлаар хэргийг үйлдсэн 1990 онд төрсөн Дорнод аймгийн харьяат А.Мөнх-Эрдэнэд 5 жил, Увс аймгийн харьяат Л.Амаржаргалд 6 жил, 1995 онд төрсөн Увс аймгийн харьяат А.Баатарт 5 жилийн ял тус өгсөн юм. Тэгвэл тэд давж заалдах шатны шүүхэд гомдол гаргасан бөгөөд Давж заалдах шатны шүүхээс анхны шатны шүүхэд буцаасан юм.

Харин өнөөдөр анхан шатны шүүх хэргийг хэлэлцэх байсан ч прокурор, өмгөөлөгчийн шүүх хурал давхардсан тул ирэх даваа гараг хүртэл хойшилжээ. Шүүх хурал ирэх Даваа гарагт 13.30 цагаас болно.

Дархан-Уул аймаг дахь жирийн дэглэмтэй хорих ангиас өнгөрсөн есдүгээр сарын 30-ны өдөр давтан хэрэг үйлдсэн нэг ялтан оргосон хэрэг гарчээ. Тэгвэл дээрх оргосон хоригдлыг өнөөдөр хуулийнхан баривчилж, эрүүгийн хэрэг үүсгэн шалгаж эхэлсэн тухай ШШГЕГ-ын олон нийттэй харилцах хэлтсээс мэдэгдлээ. Гэхдээ тэд хоригдолд дахин эрүүгийн хэрэг үүсгэн мөрдөн байцаалтын ажиллагааг эхлүүлсэн учир өөр тодорхой мэдээлэл өгөхгүй гэсэн юм.

Монгол Улсын Пара жүдо бөхийн холбооны шигшээ багийн тамирчин, Паралимпийн хүрэл медальт Б.Ууганхүү өсвөрийн тамирчиддаа амжилтын хишгээсээ хуваалцлаа. Тэрбээр өсвөрийн тамирчдад Дэлхийн аварга болохыг ерөөж, Adidas брэндийн 3 сая төгрөний үнэ бүхий 20 ширхэг кимоног нутгийн дүү нартаа бэлэглэжээ.
Олимпийн анхны медалтьнаа өлгийдөн авсан Дорноговь аймагт өсвөрийн жүдо бөхийн дугуйлан нээгдээд хагас жил болжээ. Энэхүү дугуйланд Тив, Дэлхий, олимпийн дэвжээнд амжилт ялалтаа цуурайтуулсан Х.Цагаанбаатар, Д.Төмөрхүлэг, Б.Ууганхүү тэргүүтэй Монголын шилдэг жүдочид өсвөрийн тамирчиддаа өөрсдийн арга, техник, ур чадвараасаа зааж, сургалаа.
Б.Цэцэг

Авлигатай тэмцэх газар 2016 оны 10 дугаар сарын 3-7-ны өдрүүдэд нийтийн албанд томилогдохоор нэр дэвшсэн 263 иргэний хувийн ашиг сонирхлын урьдчилсан мэдүүлгийг шинээр хүлээн авчээ. Нийт 584 урьдчилсан мэдүүлгийг хянан шалгасан байна.

Монголбанк 1 долоо хоногтой 215 тэрбум төгрөгийн ТБҮЦ-ыг 15.0% ЖДХ-ээр арилжааллаа. Ингэснээр 2016 оны 10-р сарын 10-ны байдлаар 1 долоо хоногтой ТБҮЦ-ны үлдэгдэл 591.6 тэрбум төгрөг болно.

1 долоо хоногийн хугацаатай ТБҮЦ

Нэг долоо хоногийн хугацаатай ТБҮЦ нь банкуудын нөөцийг удирдахад чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгсэл юм. Энэ төрлийн үнэт цаасны хүү нь Монголбанкны бодлогын хүү болох бөгөөд БХЗ дээр хөтөч хүүний үүргийг гүйцэтгэдэг. Анх тогтмол хүүтэй, борлогдох хэмжээ нь хязгаарлалтгүй байсан энэхүү үнэт цаасыг 2007 оны 7 дугаар сард анх нэвтрүүлж 7 хоног бүрийн Лхагва гаригт БХЗ дээр арилжаалах болсон нь банкуудын сонирхолыг ихэд татсан юм. Учир нь энэ төрлийн үнэт цаас нь банкуудад илүүдэл нөөцөө богино хугацаатай хүү өгдөг активт чөлөөтэй байршуулах боломж олгосон бөгөөд уг бүтээгдэхүүн нэвтэрснээр банкуудын нөөцийн удирдлагад мэдэгдэхүйц өөрчлөлт гарчээ.

Мэргэжлийн Засгийн газар байгуулагдаад 103 хонож байна. Тэд ирэх оны төсвийн төсөлд Төрийн ордны засвар тохижилтод зориулж 2.2 тэрбум төгрөгийг тусгажээ. Энэ нь ордоны засвар хийхэд 10 гаруй тэрбум шаардлагатай байснаас танаж 2.2 тэрбум төгрөг тусгасан болохыг ЗГХЭГ-ын дарга Ж.Мөнхбат хэлж буй юм. Түүний хэлсэнээр 2.2 тэрбум тийм ч их мөнгө биш аж. Засгийн газар хэмнээд байгаа гэх боловч хачир дээрээ хэмнэлтийг хэн дээр, хаана хийгээд байгаа нь хачирхал төрүүлээд эхэллээ.
Б.Цэцэг

“Guys” хамтлагийн дуучин Х.Бат-Ундрал Замын-Үүдийн гаалиар их хэмжээний хар тамхи оруулах гэж байгаад баригдсан хэргээр хуулийн байгууллагад шалгагдаад байв.

Дорноговь аймгийн Дэлгэрэх сумын Бумбат багийн малчин Б энэ сарын 7-ны өглөө адуунаасаа морь барьж ирэхээр гэрээсээ гараад сураггүй алга болсон байна.

Авлигатай тэмцэх газар энэ сарын 3-7-ны өдрүүдэд шинээр гэмт хэргийн шинжтэй 6 гомдол, мэдээлэл хүлээн авч, нийт 20 гомдол, мэдээллийг шалгажээ.

Монголын хөрөнгийн бирж шийдвэр гаргаж, хоёр компанийн хувьцааг бүртгэлээс хаслаа.

УИХ дахь намын бүлгүүд өнөөдөр хуралдах байсан ч хуралдаанаа хойшлууллаа.

Ерөнхийлөгч Ц.Элбэгдорж энэ сарын 11-нд буюу маргааш 11 цагт Нийслэлийн Эрүү, иргэний давж заалдах шатны шүүхийн үйл ажиллагаатай танилцана.

Долоо хоног бүрийн даваа гаригт болдог ЭХЯ-ны шуурхай зөвлөгөөн өнөөдөр боллоо. Зөвлөгөөнд Эрчим хүчний яамны Төрийн нарийн бичгийн дарга З.Мэндсайхан, Эрчим хүчний яамны дэд сайд Т.Гантулга нар оролцож, өвлийн бэлтгэл ажил, станцуудын нүүрсний хангамж болон салбарын цаг үеийн мэдээ мэдээллийг сонсов. Дулааны цахилгаан станцуудын өвөлжилтийн бэлтгэл ажил 75-90 хувьтай, мөн нүүрсний 12-60 хоногийн нөөцтэй байгаа нэгдсэн дүнг салбарын удирдлагууд танилцууллаа.

Өнгөрсөн баасан гарагт Татварын ерөнхий газарт гал гарч, НОБГ-ын 10 дугаар ангийн аврагчид шуурхай ажиллан унтраасан талаар бид мэдээлсэн билээ.