-
2017 оны 9 сарын 20
Нийслэлийн засаг Даргын Тамгын газар, Нийслэлийн Соёл, урлагийн газар, Монголын урлагийн зөвлөл, Монголын кино урлагийн зөвлөл хамтран Монголын кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой “Улаанбаатар” олон Улсын IX кино наадмыг 2017 оны 10-р сарын 10-15-нд Улаанбаатар хотноо зохион байгуулах гэж байгаа билээ. Тус кино наадамд Монгол, Америк, Ази, Европын кино уран бүтээлчид болон олон Улсын нэр хүндтэй кино наадмын зохион байгуулагчид оролцож байгаа аж.
Энэ удаагийн наадмын хүрээнд Нийслэлийн Соёл, урлагийн газраас санаачлан “Улаанбаатар” олон Улсын кино наадмын Монгол киноны уралдааныг зарласан бөгөөд тус уралдаан нь “Уран сайханы кино”, “Баримтат кино”, “Хүүхдийн кино бүтээл”, “Нээлтийн кино” гэсэн дөрвөн төрөлд тус бүр нэг кино бүтээлийг шалгаруулж, цом, өргөмжлөл, мөнгөн шагналаар шагнах юм. Тэгвэл энэ удаагийн кино наадмын “Нээлтийн кино”-ны төрлийн шалгаруултад 2016 оны 1-р сарын 1-нээс 2017 оны 09-р сарын 15-ны дотор бүтээгдсэн кинонууд оролцсон бөгөөд найруулагч Д.Золбаярын бүтээл “Чингисийн хүүхдүүд” уран сайхны кино шалгарлаа. Харин “Уран сайханы кино”, “Баримтат кино”, “Хүүхдийн кино бүтээл”-ийн шалгаруултын дүн 2017 оны 10 сарын 10-нд гарч, шилдгээр шалгарсан уран бүтээлүүд тодорно. Энэ дашрамд дуулгахад “Улаанбаатар” олон Улсын IX кино наадмын “Нээлтийн кино”-оор шалгарсан “Чингисийн хүүхдүүд” уран сайхны кино 2017 оны 10 сарын 10-нд кино наадмын шагнал гардуулах ёслолын ажиллагааны үеэр албан ёсны нээлтээ хийж үзэгчдийн хүртээл болох юм байна.
“Улаанбаатар” олон Улсын IX кино наадмын “Нээлтийн кино”-оор шалгарсан “Чингисийн хүүхдүүд” уран сайхны киноны хувьд Монголын кино урлагийн салбарт олон улсын хамтын ажиллагааг дэмжин хөгжүүлэх зорилготой бүтээсэн найруулагч Д.Золбаярын бүтээл “Чингисийн хүүхдүүд” уран сайхны кино нь Монголын эртний түүхт морины уралдааны өнөөгийн уламжлал соёл, мөн эрэмгий хурдан морь унах туршлагыг бага наснаасаа хуримтлуулж ирсэн Монгол хүүхдүүдийн ур чадварыг харуулсан бүрэн хэмжээний уран сайхны кино юм. Тус киноны зураглаачаар Д.Ангараг ажилласан бөгөөд зураг авалтыг 2016 оны дөрөвдүгээр сард эхлэн нэг жил хоёр сарын хугацаанд нийт 1 тэрбум 200 сая төгрөгийн төсвийг зарцуулан амжилттай бүтээжээ.
Киноны зураг авалтын дараах үйлдвэрлэлийг АНУ-д гүйцэтгэснээрээ дэлхийн өргөн дэлгэцийн том форматуудын нэг болох 4k форматын кино юм. Энэхүү киноны дуу дүрсний нэгтгэлийг АНУ-ын EFIILM компани дөрвөн сарын турш хийж хамтран ажиллажээ. 2017 оны гуравдугаар сарын 23-ны ѳдѳр АНУ-ын Кино ассоциациас тус улсад гаргах лиценз болох “GeneraL Audeince” буюу “Бүх насныхан” ангиллыг албан ёсоор авсан Монголын анхны уран сайхны кино юм.
“Чингисийн хүүхдүүд” уран сайхны киноны Монгол Улс дахь албан ёсны нээлт 2017 оны 10 сарын 10-ны өдөр 1100 хүний суудалтай, Монголын хамгийн том 4k форматын өргөн дэлгэцтэй кино театр болох “Corporate Cinema”-д хийхээр болжээ.
-
2017 оны 9 сарын 20
Дэлхийн алдарт хөл бөмбөгчин Криштиану Роналду сүй тавьсан уу?
-
2017 оны 9 сарын 20
Монгол Улсын гавъяат жүжигчин, дуучин Г.Ариунбаатарын тухай “BBC” агентлаг нэвтрүүлэг хийж байгаа гэнэ. Одоогоор тус агентлагийнхан гавъяаттай хамт төрсөн нутаг болох Төв аймгийн Баян-Өнжүүл сумыг зориод байгаа аж. Энэ талаар Соёл урлагийн их сургуулийн захирал Д.Сонинтогос ярихдаа “Манай сургууль дээр өчигдөр Английн “BBC” радиогоос хоёр сурвалжлагч ирээд явлаа. Тэд дуучин Г.Ариунбаатарын тухай нэвтрүүлэг хийж байгаа юм байна. Монголын дуучин Г.Ариунбаатар ямар сургуульд сурсан юм бэ. Сургуулийнх нь багш нар, захиралтай нь уулзъя гэсэн. Монголоос ийм сайн дуучид төрөн гарч байгаагийн шалтгааныг багагүй сонирхож байсан” гэв.
Монгол Улсын гавъяат жүжигчин Г.Ариунбаатар энэ жилийн “BBC” агентлаг жил бүр дуурийн дуулаачдаас “Cardiff singer of the world” тэмцээнд амжилттай оролцож, “Дэлхийн дуучин”-аар шалгарсан таван дуучны нэгээр тодорсон билээ.
-
2017 оны 9 сарын 18
О.Мөнхцэцэг Туркменистан улсын үндэсний бөхийн төрөлд алтан медаль хүрт
-
2017 оны 9 сарын 18
БНХАУ-ын Сияминь хотноо энэ сарын 14-17-нд 3х3 сагсан бөмбөгийн дэлхийн оюутны аварга шалгаруулах тэмцээн зохион байгуулагдлаа. Тус тэмцээнд Монголын шигшээ баг тэргүүн байр эзэлж Дэлхийн аваргын алтан медалийн эзэд болов.
Тэрбээр манай сагсчид аваргын төлөөх тоглолтод Сербийн багийг 21:15-аар хожсон байна. Ийнхүү 2015 онд тус тэмцээнээс мөнгөн медаль хүртсэн амжилтаа ахиулж, түүхэн амжилтын эзэд боллоо.
Монголын сагсан бөмбөгчид энэ жил Ази тивийн аварга болж, ДАШТ-д өрсөлдөх эрхээ өвөртөлсөн юм. Манай оюутны шигшээ баг ийнхүү дэлхийн аварга болсноор Их дуулга ангиллын тэмцээнд оролцох эрхтэй болов.
-
2017 оны 9 сарын 18
Олон улсын олимпийн хороо (IOC)-ны 131 дүгээр чуулган есдүгээр сарын 13-16-нд Перугийн нийслэл Лимад болж, 2024, 2028 оны зуны олимпийн наадмын зохион байгуулах хотыг зарласнаас гадна “Токио-2020”, “Парис-2024” олимпийн наадмын спортын 28 төрөлд өөрчлөлт оруулахгүй байхаар шийдвэрлэжээ. 2013 онд Аргентиний Буэнос-Айрест болсон чуулганаар олимпийн төрлөөс хасагдах аюул нүүрлээд байсан бөхийн төрөл ямартаа ч сүүлийн хоёр олимпод үлдэхээр болоод байна. “Лос-Анжелес-2028” олимпийн наадмын хөтөлбөрөөс бөхийн төрөл хасагдах бус дахин үлдэх магадлал өндөр. Учир нь чөлөөт бөхийн эх орон Америкчууд зуны XXXIV олимпийн наадмыг эх орондоо зохион байгуулна. Гэхдээ үүнийг 2021 онд ОУОХ-ны чуулганаар эцэслэн шийдвэрлэх юм.
-
2017 оны 9 сарын 18
Монгол бөх Гиннесийн дээд амжилтанд бүртгэгдсэн өдөр, Безкон –Аудит ХХК үүсэн байгуулагдсаны түүхт 15 жилийн ойд зориулсан Намрын улирлын нээлтийн барилдаан сайхан боллоо. Барилдаанд у.ар Р.Пүрэвдагва, шинэ заан Н.Жаргалбаяр, у.х Ш.Уламбаяр, Д.Бат-Эрдэнэ, шинэ харцага М.Бадарч, О.Хангай тэргүүтэй 240 бөх зодоглосноос Ховд аймгийн Буянт сумын харьяат, Хилчин СХ-ны бөх, улсын шинэ залуу харцага О.Хангай 8 даван түрүүлж, цолоо анхныхаа түрүүгээр мялаав. Дорнод аймгийн харьяат, улсын залуу начин Д.Анар үзүүрлэв. Их шөвөгт ирж яваа цагийнхны төлөөлөл а.з Э.Энх-Амгалан /Э.Энхбат начны дүү/ энэ жил Архангай аймгийн баяр наадамд шөвгөрч аймгийн харцага цол хүртсэн Б.Зоригтбаатар нар шалгарлаа. А.х Зоригтбаатар ноднин жил ц.н цолтойгоор мөн нээлтийн барилдаанд ийн бужигнуулж, их шөвөгт шалгарсан билээ. Магнай бөх Пүрэвдагва арслан зургаагийн даваанд у.н Д.Анарыг амалж өвдөг шороодсон бол шинэ заан Жаргалбаяр а.з Энх-Амгаланд унасан юм.
-
2017 оны 9 сарын 16
2017 оны чөлөөт бөхийн цэргийн Дэлхийн аварга шалгаруулах тэмцээн энэ сарын 20-23-нд Литвын Клейпеда хотод болно. 32 дахь удаагийн тэмцээнд Зэвсэгт хүчний “Алдар” спорт хорооны есөн тамирчин оролцохоор өчигдөр эх орноосоо морджээ.
-
2017 оны 9 сарын 16
Монгол бөх геннисийн дээд амжилтанд бүртгүүлсэн өдөр, Бизкон аудит ХХК-ны 15 жилийн баярт зориулсан намрын нээлтийн барилдаан болох гэж байна.
-
2017 оны 9 сарын 14
Монгол бөх геннисийн дээд амжилтанд бүртгүүлсэн өдөр, Бизкон аудит ХХК-ны 15 жилийн баярт зориулсан Намрын нээлтийн барилдаан болох гэж байна.
-
2017 оны 9 сарын 14
Ц.Отгондалай Филлипин улсын Манила хотод 9 сарын 9-12-ы өдрүүдэд болсон хэвтээ шахалтын Азийн аварга шалгаруулах тэмцээний – 93 кг жинд түрүүлж Ази тивийн аварга боллоо.
Тус тэмцээнд 6 тамирчин оролцсоноос 5 алт, 1 мөнгөн медаль хүртэж Монголчууд хүчтэй гэдгээ харуулжээ. Ц.Отгондалай нь сүүлийн 10 орчим жил тасралтгүй спортоор хичээллэн бэлтгэлээ сургуулилтаа хийсэн бөгөөд дэлхийн хамгийн чансаа өндөр тэмцээн гэж үздэг IPE –ийн Дэлхийн холбооноос өнгөрсөн 6 сард зохион байгуулсан 60 гаруй орны оролцсон Raw powerliftin-ийн дэлхийн аваргын тэмцээн амжилттай оролцож хүрэл медаль хүртсэн амжилтаа энэ удаа ахиулан шилдэг тамирчин болохоо баталж чадлаа.
-
2017 оны 9 сарын 14
дасгалжуулагч Дмитрий Коркиний нэрэмжит ОУТ есдүгээр сарын 29-нөөс аравдугаар сарын 1-нд Якутад болно. 10 дахь удаагийн уламжлалт тэмцээнд манай улсаас 57 кг-ын жинд Занданбудын Занабазар (Арслан), 61 кг-д Алтансувдын Мөнх-Эрдэнэ (Хасу-Мегастарс), 65 кг-д Төмөр-Очирын Тулга (Арслан), 70 кг-д Энхтуяагийн Тэмүүлэн (Хасу-Мегастарс), 74 кг-д Занданбудын Сумъяабазар (Хангарьд), 86 кг-д Баатарын Нямбаяр (Ирээдүй), 97 кг-д Болдбаатарын Одсүрэн, 125 кг-д Мөнхтөрийн Лхагвагэрэл (хоёул Аварга) нарын найман тамирчин Монгол Улсын гавьяат дасгалжуулагч Арслангийн Цэдэнсодномын удирдлага дор хүч үзнэ. Түүнчлэн олон улсын гуравдугаар зургийн шүүгч Паламдоржийн Батбаатар тус тэмцээнийг дэнслэх юм. Манай тамирчдаас Дмитрий Коркиний нэрэмжит тэмцээнээс 2011 онд гавьяат тамирчин Э.Бэхбаяр, ОУХМ Б.Анхбаяр нар 2011, ОУХМ Л.Төртогтох 2015 онд түрүүлж байв.
-
2017 оны 9 сарын 14
Жил бүрийн есдүгээр сарын эхний долоо хоногийн амралтын өдрүүдэд Монголын “СОЁЛ УРЛАГИЙН АЖИЛЧДЫН БАЯР “тохиодог. Тус баярын хүрээнд олон үйл ажиллагаа болдгийн нэг нь соёл урлагийнхны нийгэмд хандсан сайн дурын үйл ажиллагаа юм. Энэ жил Монгол улсын Филармонийн ажилчид, уран бүтээлчид “Цус сэлбэлт судлалын үндэсний төв”-тэй хамтран цусаа хандивлах ажлыг өөрийн байранд зохион байгууллаа. Цус сэлбэлт судлалын үндэсний төвд хандивласан цус нь төрхийн хүндрэлээс болж цус алдсан эхчүүд, осол гэмтэлд орсон хүмүүст төдийгүй цусны өвчтэй хүүхдүүдийн амийг аврахад хэрэглэгддэг ба донор нэг удаад 350-400мл цус хандивласнаараа 3 хүний алтан амийг авардаг байна.
-
2017 оны 9 сарын 13
Монголын буудлагын спортын холбооноос буудлагын спортын олимп, дэлхийн аваргуудын халз тулааныг есдүгээр сарын 17-нд зохион байгуулна.
Энэ халз тэмцээнийг Монгол Улс олимпийн наадмаас буудлагын спортын төрлөөр медаль хүртсэний 25 жилийн ойд зориулж байгаа юм. Олимпийн хошой алт, гурван хүрэл медальт, дэлхийн хошой аварга Болгарын Мария Гроздева, олимпийн алт, хүрэл медальт, дэлхийн гурван удаагийн аварга Гүржийн Нино Салуквадзе, олимпийн аварга, олимпийн гурван мөнгө, нэг хүрэл медальт Сербийн Ясна Секарич, олимпийн хошой хүрэл медальт, дэлхийн хошой аварга Д.Мөнхбаяр нарын шилдгүүдийн халз тулаанд урьсан байна.
Энэ үеэр Монгол Улсын Хөдөлмөрийн баатар, олимпийн мөнгөн медальт О.Гүндэгмаа, Монгол Улсын гавьяат тамирчин, олимпийн хошой хүрэл медальт Д.Мөнхбаяр нарын спортын түүхэн үзэсгэлэн ”Бльюмон” үзэсгэлэнгийн танхимд есдүгээр сарын 16-18-нд болох юм.
-
2017 оны 9 сарын 13
“Баку-2015” Европын анхдугаар наадмын аварга, ОХУ-ын гурван удаагийн аварга Буриадын хөнгөн жингийн шилдэг бөх Александр Богомоев есдүгээр сарын 29-нөөс аравдугаар сарын 1-нд Якутад болох нэрт дасгалжуулагч Дмитрий Коркин агсны нэрэмжит ОУТ-д оролцохоор болжээ. Богомоев өнгөрсөн жил Оросын аваргад түрүүлснээс хойш ганц ч тэмцээнд оролцоогүй байсан бөгөөд ийнхүү жилийн гаруй хугацааны дараа дэвжээндээ эргэн ирэхээр болж байна. Түүний хувьд өнгөрсөн дөрөвдүгээр сард ёслолын хүлээн авалтын дараа танхай этгээдүүдэд хутгалуулж, азаар амь насанд нь аюул учраагүй. Тэрбээр Коркиний тэмцээний дараагаар Кемеровод болох “Шахтерская Слава” уламжлалт тэмцээнд оролцох төлөвлөгөөтэй байгаа юм. 10 дахь удаагийн тэмцээнд Богомоевоос гадна буриадаас Евгений Жербаев, Цыбик Максаров, Алексей Боровицкий, Тамир Гармаев тэргүүтэй бөхчүүд Якутад хүч үзнэ.
-
2017 оны 9 сарын 13
Соёл урлагийн ажилтны өдрийг тэмдэглэнэ
-
2017 оны 9 сарын 13
Энэ сарын 07-12-ны өдрүүдэд Филиппиний Манила хотод пауэрлифтингийн насанд хүрэгчдийн хэвтээ шахалтын Азийн АШТ амжилттай болж өндөрлөлөө. Тэмцээнд Монголын пауэрлифтингийн нэгдсэн холбооны найман тамирчин оролцож, найман алт, дөрвөн мөнгөн медал хүртсэн бахдам амжилт гаргажээ.
Тэмцээний хэрэглэлтэй төрөлд /equipped/:
-120 кг жинд Б.Чимэдцэрэн алт /world record 362,5кг/
-120 кг жинд Т.Эрдэнэхүү мөнгө
-105 кг жинд Л.Бархасбаатар мөнгө
Мастер 1 ангилалд:
+120 кг жинд Ц.Баярхүү алт
-120 кг жинд П.Отгонбаатар мөнгө
-105 кг жинд С.Баяртөгс алт
Тэмцээний /Raw Classic/ хэрэглэлгүй төрөлд:
Т.Эрдэнэхүү алт /207,5кг/
-105 кг жинд Л.Бархасбаатар мөнгө /182,5кг/
-93 кг жинд Отгондалай алт /210кг/
Мастер 1 ангилал:
+120 кг жинд Ц.Баярхүү алт /172,5кг/
-120 кг жинд Д.Отгонбаатар алт /165кг/
-105 кг жинд С.Баяртөгс /182,5кг/ алтан медаль тус тус хүртжээ.
-
2017 оны 9 сарын 12
Нийслэлийн хүүхэд, гэр бүлийн хөгжлийн газар УДБЭТ-тай хамтран хүүхдүүдэд сонгодог урлагийн боловсрол олгох зорилгоор хамтарсан хөтөлбөр хэрэгжүүлж байгаа бөгөөд уг хөтөлбөрийн хүрээнд 5 удаагийн тоглолт зохион байгуулсан юм.
Энэ удаа театрын хамт олон соёл урлагийн ажилтны өдрийг тохиолдуулан “Хүмүүнлэг монголын соёлтой ирээдүйн төлөө” зорилтын дор Үндэсний сонгодог бүтээл тоглоно.
Энэ жил соёл урлагийн ажилтны баярыг 2017 оны есдүгээр сарын 9-16-ны хооронд БСШУСЯ-ы СБЗГазар болон Засгийн газрын хэрэгжүүлэгч агентлаг Соёл урлагийн газраас гаргасан удирдамжийн дагуу зохион байгуулах гэж байна.
Тус театрын хамт олон энэхүү баяраар соёл урлагийн салбарын нийгмийн хариуцлагын манлайллыг хэрэгжүүлэх сайн дурын үйл ажиллагааг сүүлийн 3 жил тасралтгүй зохион байгуулж, жил бүр нийгмийн зорилтот бүлгийг сонгон авч “Хүмүүнлэгийн тоглолт, арга хэмжээ”-г өргөн барьдаг уламжлалтай.
Энэ сарын 13 буюу маргааш 14.00 цагт нийслэлийн хэмжээнд үйл ажиллагаа явуулдаг 30 гаруй асрамжийн газрын хүүхдүүд, тусгай сургалттай 29, 55, 25, 116-р сургуулийн сурагчдыг уг үйл ажиллагаанд хамруулж, тэдэнд монголын үндэсний сонгодог бүтээл болох Б.Дамдинсүрэн “Учиртай гурван толгой” дуурийг танилцуулан үзүүлж тоглолт зохион байгуулах гэж байна. Тоглолтын үеэр уран бүтээлчид үзэгчидтэйгээ уулзаж, хүүхэд багачууддаа халуун сэтгэлийн урмын үгтэй дурсгалын зүйлс, сонгодог урлагийн талаар мэдээлэл бүхий танилцуулга бэлэглэж, дурсгалын зураг авахуулна гэж нийслэлийн Хүүхэд, гэр бүлийн хөгжлийн газраас мэдээллээ.
-
2017 оны 9 сарын 11
Н.Түвшинбаярт хүндэтгэл үзүүлэх наадамд Р.Пүрэвдагва түрүүлжээ
-
2017 оны 9 сарын 11
Бөхийн төрлүүдийн өсвөр үеийн ДАШТ есдүгээр сарын 4-10-нд Грекийн нийслэл Афины “Ano Liosia Olympic Hall” ордонд боллоо. Хөвгүүдийн 23, охидын 11 дэх удаагийн тэмцээний сүүлийн гурван өдөр хөвгүүдийн 10 жингийн барилдаан болж өндөрлөлөө. Манай улсаас охидын 52 кг-ын жинд Баянхонгор аймгийн тамирчин Болдсайханы Хонгорзул хүрэл медаль хүртсэн билээ. Хөвгүүдээс хамгийн өндөр амжилтыг 63 кг-ын жинд өсвөр үеийн Азийн АШТ-ий мөнгөн медальт, өсвөр үеийн УАШТ-ий хошой алт, нэг хүрэл медальт, “Асашёорюү Кап”, Дарма Жанаев, Түмэн Жаргаловын нэрэмжит ОУТ-ий аварга, “Азийн хүүхдүүд” олон улсын хүүхдийн спортын наадмын хүрэл медальт, Баянхонгор аймгийн тамирчин Энхбаярын Бямбадорж үзүүлж тавдугаар байрт оров. Тэрбээр Афины дэвжээнд эхлээд өнгөрсөн жилийн өсвөр үеийн дэлхийн аварга Ираны Амирхоссейн Магсоудиг 4:4-өөр, 1/8 шигшээд Казахстаны Ахмад Муратыг оноогоор (13:0) цэвэр ялж, шөвгийн наймд өсвөр үеийн Европын аварга ОХУ-ын Инар Кетьяд 2:11-ээр ялагдсан. Түүний өрсөлдөгч нь шигшээд шалгарсан тул өнөөдөр дагах барилдаан хийв. Дагах барилдаанд Беларусийн Данил Амелянчикийн цэвэр ялсан ч хүрэл медалийн төлөөх барилдаанд өсвөр үеийн ЕАШТ-ий мөнгө, хүрэл медальт Азербайжаны Хажимурад Гажиевт оноогоор цэвэр ялагдав. Монголын эрэгтэй чөлөөт бөхийн залгамж халаа болсон хөвгүүдэд маань Афины дэвжээ том туршлага томоохон сургамж болж өгсөн нь дамжиггүй.
Хөвгүүдийн 10 жингийн гуравт нь түрүүлж, хоёр мөнгө, гурван хүрэл медаль хүртсэн ОХУ-ын бөхчүүд 73 оноогоор багийн дүнгээр тэргүүлж, АНУ дөрвөн алт, хоёр хүрэл медальтай 66 оноогоор удаалав.
