-
2016 оны 2 сарын 18
“Завханы” гэх тодотголтой зангарагтай гавьяат жүжигчин, дуучин С.Батсүх ээлжит шинэ уран бүтээлээ өлгийдэн авчээ. Хийсэн, бүтээсэн, аялгуулсан, дуулсан дуу бүхэн нь “хит” болж, сонсогчдынхоо сонорыг нь мялааж, мэлмийг нь баясган, сэтгэлийг нь дуу хуураар дүүргэж явдаг “алдартай” гавьяат маань энэ удаад “Хаяа сайтай хадмууд” гэсэн нэртэй уран бүтээлээ дүрсжүүлжээ.
Дууны клипэнд олны танил эрхмүүдийг элэглэдэг элэглэлийн нэрт мастерууд болох “Пароди” хамтлагийн жүжигчид дүр бүтээсэн нь шинэлэг бас сонирхолтойгоос гадна, аялгууны хувьд цоглог хэмнэлтэй болсон нь фэнүүдийнх нь сэтгэлд хүрч, ихэд таалагдсан учир амандаа аялах, “хүлхэх” дуунуудын нэг болжээ. Дуу гурван жигүүртэй бүтдэг гэж ярьдаг. Уг “Хаяа сайтай хадмууд” дууны шүлгийг СГЗ Д.Дашдондов бичиж, аялгууг нь СТА Б.Цэрэндондов зохиож, гавьяат С.Батсүх дуулсан нь аль хэдийнэ FM, радиогоор цацагдаад эхэлжээ.
Ер нь гавьяат жүжигчин С.Батсүхийн уран бүтээлээс эх орон, эжий аав, элгэн садан, элбэрэлт ханиа хайрлах, хүндлэх, үгүйлэх үнэр, мэдрэмж нэвт шингэж, үнэртэж мэдрэгддэг бөгөөд энэ удаад хадмуудыг магтан, шагшиж дуулсан нь хадамтай хүн бүрийн сэтгэлийг ихэд хөдөлгөж чадав.
Хэдий наанаа өнгөцхөн сонсоход хадмуудыг магтан дуулаад байгаа мэт боловч, цаад утга учир, уран нарийн агуулга нь хүн хүнээ хайрлах нинжин сэтгэлийг тод тусгажээ. Амьдралдаа амьтай болгоныг тэр дундаа асралт сайхан аав ээжийгээ, амраг сайн ханиа, алаг хөөрхөн үр хүүхдүүдээ ариглан гамнаж хайрлахыг, халуун дулаан хайраар уяраах, ухааруулах утгыг шаглаж, шигтгэж өгсөн уран бүтээл ажээ.
Харин хадмуудад зориулсан уран бүтээл нэг ч байдаггүй бөгөөд хүн бүр хадамтай байгаа, хүүхэд бүр ирээдүйд хадам аав ээжтэй болно. Ер нь хадмуудаа түшиж, ханиа дээдэлсэн хүн л сайн сайхан явдаг гэх юм билээ. Тиймээс хадмуудаа хайрлая, хамгаалж явъя гэсэн санааг агуулсан өвөрмөц уран бүтээл юмаа.
Дашрамд сонирхуулахад, Олон улсын эмэгтэйчүүдийн баярыг угтаж, ирэх сарын 05-нд МУГЖ С.Батсүх, “Пароди” хамтлагийн уран бүтээлчидтэй хамтран “UB паласт” тоглолт хийх товоо гарган, бэлтгэлийн ажилдаа орсон байгаа аж. Түүнээс гадна мөн шинэ цомгийн ажилдаа ханцуй шамлан орсон сурагтай.
-
2016 оны 2 сарын 17
Энэ сарын 12-ны өдөр ”Дурлал сүйтгэгч” инээдмийн уран сайхны кино бүх кино театруудаар гарч эхэлсэн. Тэгвэл уг киног жүжигчин Ш.Доржсүрэн буюу Дооёогийн хүү Эрдэнэбулган бүтээсэн байна.
Жүжигчин А.Мөнгөнзул энэхүү нууцыг задлахдаа ”Хэнтэй нь илүү адилхан бэ?.Урлагийн хүний хүүхэд болж төрөх тийм ч амар биш, хүү маань студийн сандал,машины суудал дээр ч мөн их ч унтсан даа... Тэгээд урлагаар вирустсэн. Одоо хүү маань том болж кино баг, хамт олны дэмжлэгтэйгээр анхныхаа “ДУРЛАЛ СҮЙТГЭГЧ” киногоор үзэгчидтэйгээ уулзах гэж байна. Доёо бид хоёр өнөөдөр том болж байгаа хүүгээрээ бахархаж сууна. ”PLUS” motion pictures анхны бүтээл. Хүүгийн уран бүтээлд ажилласан бүх хүмүүст баярлалаа” гэсэн байна.
Тус киноны найруулагчаар Д.Эрдэнэбулган, зохиолчоор Б.Баатар, продюсераар А.Мөнгөнзул нар ажилласан бол дүрүүдэд Э.Ууганбаяр, Б.Золжаргал, Г.Золзаяа, Б.Гэрэлчулуун нар тогложээ.
-
2016 оны 2 сарын 17
Данийн Копенгаген хотод энэ сарын 9-16-нд Монгол уран бүтээл танилцуулах өдөр зохион байгуулсан байна.
-
2016 оны 2 сарын 17
Найруулагч Г.Содбилэг, зохиолч А.Баярсайхан, ”Кроп энтертайнмент”, ”Грийн фильм”-ийн хамтын бүтээл “Эхнэрийн эзгүйд” Монголын уран сайхны кино энэ сарын 19-нд нээлтээ хийх гэж байна. Инээдмийн төрлийн тус киноны гол дүрд Д.Хосбаяр, С.Баасанжаргал, Д.Энхбат нар тогложээ.
-
2016 оны 2 сарын 17
Уран зураг, урлагт хайртай хэн бүхэнд дуулгахад та бүхний мэлмийг мялаах нэгэн үзэсгэлэн дэлгэгдэж байна. Зураач Э.Сүндэръяагийн ”Secret of shadows” уран зургийн үзэсгэлэн Blue moon арт галлерейд дэлгэгдэж байна. Үзэсгэлэн өнөөдөр буюу энэ сарын 15-23 -ны өдрийг хүртэл үргэлжилнэ. Та бүхнийг хүрэлцэн ирэхийг урьж байна.
-
2016 оны 2 сарын 16
“Чөлөөт хос” дахин тайзнаа
УДЭТ-ын уран бүтээлчид олон улсын эмэгтэйчуүдийн эрхийг хамгаалах өдрийг тохиолдуулан энэ сарын 27,28-нд “Чөлөөт хос” инээдмийн жүжгээр бэлэг барина. Италийн жүжгийн зохиолч, найруулагч, зураач, улстөрч, Нобелийн шагналт Дарио Фогийн тус бүтээлийг УДЭТ “Долоон өөр найруулагч, долоон өөр жүжиг” төслийн хурээнд 2014 онд анх толилуулж байжээ. Найруулагчаар Урлагийн гавьяат зүтгэлтэн Ч.Найдандорж, туслах найруулагчаар Ч.Тувшин, зураачаар Б.Мягмарсүрэн, хөгжмийн зохиолчоор ЖЭнхбаяр ажиллаж, гол дурд жүжигчин Ц.Баясгалан, Э.Тодгэрэл, ГДөлгөөн- Аюуш тоглох аж. Сарказем буюу гунигт инээдэм төрөлд хамаардаг тус жүжигт эр нөхрийнхөө эх захгүй янаг амрагийн явддаас залхан амиа хорлохыг завдах Антония бүсгуй, түүнийг тайтгаруулах гэж оролдсоор эцэстээ чөлөөт хосын амьдралыг санал болгох увайгүй зант эр нөхрийн дотоод сэтгэлийн зөрчил, тэмцдийн тухай өгүүлнэ.
-
2016 оны 2 сарын 16
Ятгачин Ч.Мөнх-Эрдэнэ Буриадад тоглолтоо хийнэ
Азийн хатан хаан ятгачин Ч.Мөнх-Эрдэнэ бие даасан тоглолтоо энэ сарын 26-нд Буриад Улсын Улаан-Үд хотноо хийх гэж байна. Тэрбээр 2015 оны Хөгжим бүжгийн коллежийн “Шилдэг уран бүтээлч багш”-аар шалгаран ийнхүү тоглолтоо хийх эрхээр шагнуулсан байна. Түүний тоглолтын ерөнхий зохион байгуулагчаар Буриад Улсын Соёлын яам, филармони оролцох бөгөөд Монгол талын зохицуулагчаар Хөгжим бүжгийн коллежийн гадаад харилцааны албаны дарга, төгөлдөр хуурч Ц.Шаравцэрэн ажиллах гэнэ. Тоглолтод ятгачин Ч.Мөнх-Эрдэнээс гадна ардын язгуур урлагийн “Алтай” хамтлаг оролцох юм байна.
-
2016 оны 2 сарын 16
Шатрын насанд хүрэгчдийн УАШТ өнөөдөр эхэлнэ
Монголын бүх ард түмний спортын, XIV их наадмын хүрээнд зохиож буй шатрын насанд хүрэгчдийн улсын аварга шалгаруулах тэмцээний шигшээ тоглолт өнөөдөр эхэлнэ. Энэ удаагийн тэмцээн Завхан аймагт болж байна. Тэмцээнд хагас шигшээ тоглолтоос шалгарсан шилдэг 10 шатарчин болон 2015 оны улсын аварга, чансаагаараа тэргүүлэгчид оюун ухаанаа сорино. Тэмцээний аваргууд энэ сарын 24-нд тодрох юм.
-
2016 оны 2 сарын 15
Тайландын Бангкок хотноо чөлөөт бөхийн Ази тивийн аварга шалгаруулах тэмцээн энэ сарын 17-20-ны өдрүүдэд болно.
-
2016 оны 2 сарын 15
Ж.Мөнхбат гэргий Ө.Тамир нар алтан хуримаа хийхээр болжээ. Хүүхдүүд нь 50 жил хамтдаа амьдарсан аав, ээжийнхээ алтан хуримыг Хавайд хийхээр товлоод байна. Хуримын гол зохион байгуулагчаар Их аварга Хакүхо М.Даваажаргал ажиллаж байгаа аж. Хагас зуун жил жаргал зовлонгоо хуваалцаж, нэг нэгэндээ уусч жаргасан, алтан хуримаа хийвэл монгол түмэн, энэ хоёр сайхан аав, ээжид аз жаргал хүсч, эрүүл энх урт удаан наслахын ерөөл өргөж, бахархах нь тодорхой юм.
-
2016 оны 2 сарын 15
<iframe width=”560” height=”315” src=”https://www.youtube.com/embed/UUc9wiMGnmc” frameborder=”0” allowfullscreen></iframe>
-
2016 оны 2 сарын 15
Ирэх гуравдугаар сарын 3-6-ны өдрүүдэд Өмнөговь аймгийн Даланзадгад хотноо “Тэмээн поло-2016” Улсын аварга шалгаруулах тэмцээн болно.
-
2016 оны 2 сарын 15
Цаг тооны бичгийг анх манай эрины өмнөх 4000 жилийн үед эртний египетчүүд цаг хугацааг хэрхэн тооцдог байсныг үндэслэн зохиосон гэж үздэг.
-
2016 оны 2 сарын 14
Валентины баяраар тоглогдох урлагийн тоглолтыг танилцуулж байна.
-
2016 оны 2 сарын 14
...Залуу лам Валентин эзэн хааны энэ хуулийг хүлээн зөвшөөрөөгүйн улмаас залуу гэр бүлүүдийг нууцаар гэрлүүлдэг байв. Ийнхүү нууцаар хүмүүст тусалж байгааг нь мэдсэн Клавдий хаан ихэд хилэгнэж Валентиныг шоронд хатааж дараа нь цаазаар авах зарлиг буулгажээ. Валентин шоронд хоригдож байхдаа шоронгийн захирагчийн охинтой танилцаж хайр сэтгэлтэй болжээ...
-
2016 оны 2 сарын 14
Хайр бол хүмүүсийн харилцааны эрхэм эрдэнэ бөгөөд гэрлэлт нь түүний биелсэн хүрээ юм.
-
2016 оны 2 сарын 12
Билгийн тооллын XVII жарны “Муу нүүрт” хэмээх гал бичин жилийн сар шинийн баярт зориулсан улс, аймгийн алдар цолтой 256 бөхийн барилдаанд Монгол Улсын харцага Ц.Содномдорж түрүүлж, Улсын аварга Г.Эрхэмбаяр үзүүрлэсэн.
Ийнхүү бич жилийн шинэчилсэн чансаанд Ц.Содномдорж бич жилд чансаагаараа дөрөвдүгээрт эрэмбэлэгдлээ. Тэрбээр нийт 18 барилдаанаас 85 давж, 15 удаа унажээ. Энэхүү чансааг улсын арслан Э.Оюунболд 17 барилдаанаас 94 даваа, 13 унаатай 27579 оноогоор тэргүүлсэн бол Улсын арслан Б.Бүрэнтөгс, Н.Батсуурь нар удаалжээ.
2015 оны цагаан сар, наадам болон 2016 оны харцага цолтны хүндэтгэлийн барилдааныг оролцуулан нийт 25 барилдаанаар чансааг гаргасан юм.
Монгол Улсын арслан Э.Оюунболд 27579 чансаагаар тэргүүлсэн бол
Улсын арслан П.Бүрэнтөгс 25625 чансаагаар удаалж,
Улсын арслан Н.Батсуурь 22054 чансаагаар гуравт,
Улсын харцага Ц.Содномдорж 18929 чансаагаар дөрөвт,
Улсын гарьд Б.Гончигдамба 16639 чансаагаар тавд,
Улсын харцага Ө.Бат-Орших 15575 чансаагаар зургаад,
Улсын заан Ч.Санжаадамба 15155 чансаагаар долоод,
Улсын харцага Б.Пүрэвсайхан 14254 чансаагаар наймд шалгарлаа.
Харин уг чансаанд дээгүүр бичигдсэн аймгийн цолтнуудаас чансаа өндөр найман бөхийг тодруулахад:
Аймгийн арслан О.Хангай 11819 чансаагаар тэргүүлж,
Аймгийн хурц арслан Ш.Мөнгөнбаатар 11140 чансаагаар удаалж,
Аймгийн арслан Б.Эрдэнэхүү 8793 чансаагаар гуравт,
Аймгийн хурц арслан Н.Жаргалбаяр 8632 чансаагаар дөрөвт,
Аймгийн арслан Д.Анар 8295 чансаагаар тавд,
Аймгийн арслан М.Бадарч 8070 чансаагаар зургаад,
Аймгийн арслан Ч.Хөхчирэнгэр 6860 чансаагаар долоод,
Аймгийн хурц арслан О.Гантулга 6362 чансаагаар наймд тус тус шалгарч байна.
Мөн улсын цолтнуудын барилдаанд амжилттай барилдсан Аймгийн арслангаас доош цолтой чансаа өндөр 8 бөхийг тодруулахад:
Аймгийн харцага У.Береке 4095 чансаагаар тэргүүлж,
Аймгийн начин Д.Аззаяа 3160 чансаагаар удаалж,
Аймгийн харцага Д.Пүрэвдорж 2955 чансаагаар гуравт,
Аймгийн харцага Н.Хүрэлсүх 2935 чансаагаар дөрөвт,
Аймгийн начин О.Батжаргал 2825 чансаагаар тавд,
Аймгийн харцага Э.Энх-Амгалан 2680 чансаагаар зургаад,
Аймгийн заан М.Даваасүрэн 2655 чансаагаар долоод,
Аймгийн харцага Г.Энхбилэг 2390 чансаагаар наймд тус тус шалгарч байна.
-
2016 оны 2 сарын 12
“АЙ НАН АА” ТҮҮХЭН ДУУЛАЛТ ЖҮЖГИЙГ ЭНЭ САРЫН 19, 20-НД ТОГЛОНО
1. Мэдээ, мэдээлэл
2. Цаг үеийн мэдээ
________________________________________
2016-02-02 17:24:50
Нийслэлийн Улаанбаатар чуулга Монголын Үндэсний Эрх чөлөөний хувьсгалын 100 жилийн ойд зориулан “Ай Нан аа” түүхэн дуулалт жүжгийг 02 сарын 19, 20-ны өдрүүдэд сэргээн тоглох гэж байна.
Энэхүү жүжиг нь VIII Богд Жавзандамба хутагт, Да лам Цэрэнчимэд, Хошой чин ван Ханддорж, сайн ноён хан Намнансүрэн зэрэг тухайн үеийн шашин, төрийн зүтгэлтнүүдийн ухаалаг шийдвэр, холч хараа, зориг тэвчээрийн хүчинд Монгол оронд Үндэсний эрх чөлөөний хувьсгал ялж, Монгол орноо тусгаар тогтносон Хаант улс болгосон тухай түүхэн үнэнийг өгүүлэх дуулалт жүжиг юм.
“Ай Нан аа” дуулалт жүжгийн зохиолыг зохиолч Б.Цогнэмэх /Гэгээн Муза наадмын Гран При шагналт/, хөгжмийг хөгжмийн зохиолч Х.Алтангэрэл /одоо Монголын хөгжмийн зохиолчдын холбооны ерөнхийлөгч/ бичиж, Монголын театр, киноны нэрт найруулагч МУУГЗ Л.Эрдэнэбулган найруулан олны хүртээл болгосон байна.
Улаанбаатар чуулгын 10 жилийн ойд зориулан сэргээн тоглох “Ай Нан аа” дуулалт жүжгийн дүрүүдэд Улаанбаатар чуулгын гоцлол дуучин, МУГЖ С.Ганзориг, Г.Хонгорзул, СТА М.Анхтуяа, Б.Батболд, Б.Эрдэнэсаруул, гоцлол дуучин Ж.Буянтогтох, О.Анхчимэг, Ч.Дорж, Ц.Гансүх, Н.Бямбадорж, Э.Очирсайхан, Улаанбаатар чуулгын бүжигчид оролцон тоглож, хөгжмийг удирдаач, СТА Д.Нямдаш, “Хангарьд” үндэсний хөгжмийн найрал тоглох юм.
Тус жүжгийн тасалбарыг Та Улаанбаатар чуулгын тасалбар түгээх цэг болон www.monda.mn - ээс худалдан аваарай. Мэдээллийг www.ubchuulga.mn цахим хуудас болон 7011-8411, 9999-6615, 9898-1984 дугаараас лавлана уу гэж Нийслэлийн Улаанбаатар чуулгаас мэдээллээ.
-
2016 оны 2 сарын 12
Дурлалт хосуудын баяр гэгээн хайрын өдөр тун удахгүй тохиох гэж байна. Энэхүү гэгээн хайрын өдрөөр Монголын бүх хосууддаа зориулж дуучин Баярцэнгэл & Улаанцэцэг болон Анхаа & Халиун, Амархүү & Ариунзул, BХ & Эгшиглэн, Зоригт & Хишигдалай нар хамтран ”Хайрын дуу” шоу тоглолтоороо 500 хос залууст бэлэг барих нь ээ.
Шоу тоглолт 2-р дугаар сарын 14-ны өдөр 20:00 цагаас Монголын №1 ”Castle” клубт болох юм. Залуус маань 20:00-23:00 цагийн хооронд хайрын дуунд уярч хайртай хүнтэйгээ хамтдаа нэгэн гайхалтай үдшийг өнгөрүүлэх бол 23:00 цагаас үүрийн 04:00 цаг хүртэл ОХУ-ын секси бүжигчид болон ”Castle клуб”-ын шилдэг DJ нарын ”set”- ийг мэдрэх боломжтой ажээ.
”Хайрын дуу” шоу тоглолт болоод 23:00 цагаас 04 цаг хүртэлх партинд та нэг тасалбараар үйлчлүүлэх боломжтой гэдгийг дуулгая. Тасалбар 24700 төгрөгөөр худалдаалагдах бөгөөд хайрын өдрөөр хайртай хүнээ хэрхэн баярлуулахаа төлөвлөөгүй бол ”Сastle” клубыг зориорой.
-
2016 оны 2 сарын 11
<iframe width=”560” height=”315” src=”https://www.youtube.com/embed/pFosDAItE9g” frameborder=”0” allowfullscreen></iframe>
